မူဆယ်မြို့နယ် တာလုံကျေးရွာအနီး ကုန်တင်ကားတစ်စီး မီးရှို့ခံရ

0

သျှမ်းပြည်နယ်မြောက်ပိုင်း မူဆယ်မြို့နယ် တာလုံကျေးရွာအနီးတွင် ယနေ့ (ဇွန် ၁၉)ရက် မနက်ပိုင်း (၇) နာရီဝန်းကျင်၌ ကုန်တင်ယာဉ်တစ်စီး မီးရှို့ခံရကြောင်းစုံစမ်းသိရှိရသည်။

ယခုရက်ပိုင်း မူဆယ်-မန္တလေး ကားလမ်းပေါ်တွင် ကုန်တင်ယာဉ်ကား များ (၂)ရက်ဆက်တိုက်မီးလောင်မှု ဖြစ်ပွားခဲ့ကြောင်း၊ ယမန်နေ့တွင်လည်း ကွတ်ခိုင်-နမ့်ဖက်ကာ ကြားတွင် တွဲကားတစ်စီး မီးရှို့ခံရပြီး၊ ကားကြီး (၂)စီး လက်နက်ကြီး ထိမှန်ခဲ့ကြောင်း သတင်းရရှိသည်။

“ ဒီနေ့ မနက် ၇ နာရီဝန်းကျင်လောက်ကလောင်းသွားတာပါ။ ဒီနေရာမှ အရင်ကလည်း ဖြစ်ဖူးတယ်။ ထိခိုက်ဒဏ်ရာရတဲ့သူမရှိပါဘူး။ ကား ၃ စီးလာတာ။ ၁ စီးဘဲ မီးရှိုးခံရတာ။ မန္တလေးကနေ ဘိလပ်မြေတင်လာတဲ့ကားပါ”ဟု မူဆယ်မြို့ ဒေသခံတစ်ဦး ကပြောသည်။

ယနေ့မနက်ပိုင်း ကုန်းကားမီးရှို့ခံရာတွင် မျက်မြင် ကားသမားများပြောပြချက်အရ တအောင်း(ပလောင်) အမျိုးသားလွတ်မြောက်ရေးတပ်မတော် ( TNLA) မှ လာရောက်ရှို့ကြောင်း သိရသည်။

“ ကားငယ်သမားတွေ ပြောပြချက်အရတော့ TNLA က ရှို့သွားတယ်လို့ပြောတယ်။ကားသမားတွေကို ဆင်းခိုင်းတယ်။ ဖမ်းခံရတာတော့ မရှိဘူးတဲ့။ ဘာကြောင့် ရှို့တာလဲတော့မသိရဘူး။ ” ဟု ကားသမားတစ်ဦး က ပြောသည်။

ထိုသို့ ကားမီးလောင်းကိစ္စနှင့်ပတ်သတ်ပြီး တအောင်း(ပလောင်) TNLA မှ ပြောရေးဆိုခွင့်ရှိသူ မိုင်းအိုက်ကျော်ကို သျှမ်းသံတော်ဆင့်မှ ဖုန်းဆက်သွယ်ရာတွင် စက်ပိတ်ထားသည်။

ထိုနေရာတွင် ယခင်ကလည်း ကားငယ် ၂ စီးမီးလောင်းမှုဖြစ်ပွားခဲ့သည့် နေရာဖြစ်ကြောင်းသိရသည်။

Leave a Comments