သျှမ်းပြည် မြောက်ပိုင်း နမ့်ဆန်မြို့နယ် မာမော့်ကျေးရွာ အတွင် ယမန်နေ့ (ဇွန် ၁၃)ရက် မနက် ၉ နာရီတွင် လက်ဖက်သွားခူးရာမှ အမျိုးသမီးငယ် တစ်ဦး သည် မြေမြုပ်မိုင်းနင်းမိသဖြင့် ဆေးကုရန် ခက်ခဲနေကြောင်း စုံစမ်းသိရသည်။
သျှမ်းမြောက်အတွင်း တိုင်းရင်းသားလက်နက်ကိုင် အချင်းချင်း ၊ တိုင်းရင်းသားလက်နက်ကိုင် နှင့် အာဏာသိမ်း စစ်ကောင်စီ တို့ တိုက်ပွဲ မကြာခဏဖြစ်ပွားသည့်နေရာဖြစ်ရာ ယခုနောက်ပိုင်း မြေမြုပ်မိုင်းများကို ပိုပြီး အသုံးပြုလာကြောင်း ဒေသခံများ ပြောပြချက် အရသိရသည်။
“ မနေ့က သူတို့ လက်ဖက်သွားခူးရင်းနဲ့ မိုင်းနင်းမိတာ။ ဘယ်ဘက်ပေါင် မှာ ဒဏ်ရာရှိထားတယ်။ လက်ဖက်ဈေးက မရှိတော့သူတို့ မိသားစုတွေက ဆေးကုသဖို့က ခက်ခဲနေတယ်။ အခုက နမ့်တွေ့ကျေးရွာမှာ ဆေးကုသနေတယ်” ဟု နမ့်ဆန်မြို့ ဒေသခံတစ်ဦးက သျှမ်းသံတော်ဆင့်ကိုပြောသည်။
သျှမ်းမြောက် ပြည်သူများအနေဖြင့် လက်ဖက်ခူးသွားရာတွင် မလုံခြုံတော့သည့် ဘဝရောက်နေရကြောင်းလည်း နမ့်ဆန်ဒေသခံ က ပြောသည်။
“ လက်ဖက်သွားခူးတာတောင် မလုံခြုံတော့ဘူး။ ခုက ဘယ်နေရာမှ မြေမြုပ်မိုင်းတွေရှိနေသေးမလဲဆိုတာ မသိဘူး။ စိုးရိမ်ရတယ်။ တစ်နေရာသွားရင်လည်း စိတ်လွတ်လွတ်လပ်လပ်နဲ့သွားလို့မရတော့ဘူး” ဟု နမ့်ဆန်မြို့ ဒေသခံတစ်ဦးကပြောသည်။
ထိုနည်းတူ သီပေါမြို့နယ် ပန်းခါကျေးရွာတွင်လည်း မေလ (၃၀) ရက် တွင် အသက် (၁၀)နှစ် အရွယ်ရှိ ယောင်္ကျားလေး တစ်ဦးသည် နွားကျောင်းသားသွားရာ မိုင်းနင်းမိပြီး ညာဖက်ခြေတစ်ချောင်း ကျိုးသွားကြောင်း၊ လက်ရှိမှာ ကျေးသီးမြို့တွင် ဆေးကုသခံနေကြောင်း၊ ဆေးကုသစရိတ်နှင့် စားဝတ်နေရေးခက်ခဲ့နေသည်ဟု ကျေးသီးမြို့နယ် ဝမ်းစိမ်းကျေးရွာ ဒေသခံ တစ်ဦး က ပြောသည်။
“ သူတို့က ကျေးသီးဘက်မှ ဆေးလာကုသနေရတယ်။ ရောက်လာတဲ့နေ့က ခိုလမ်စစ်ဆေးရုံးမှာသွားကုပြီး ကျေးသီးဆေးရုံးမှာ ၂ ရက်ခြားတစ်ခါ သွားပြရတယ်။ စားဝတ်နေရေး နဲ့ ဆေးဖို့၊ အသွားအလား စရိတ်အတွက် အခက်ခဲရှိတာပေါ့” ဟု ကျေးသီမြို့ ဝမ်းစိမ်းကျေးရွာ ဒေသခံတစ်ဦးက ပြောသည်။
ထိုဒေသတွင် တိုင်းရင်းသားလက်နက်ကိုင်းအချင်းချင်းတိုက်ပွဲများပြင်းထန်းမှုကြောင့် ပြည်သူများသည် လယ်ယာသွားရာ တွင် စိုးရိမ်းမှုများစွာ ရှိနေရကြောင်း သိရသည်။
သျှမ်းပြည်မြောက်ပိုင်းတွင် တိုင်းရင်းသားလက်နက်ကိုင်း များတိုက်ပွဲဖြစ်ပွားလျက်ရှိနေသောနေရာများဖြစ်ကြောင်း၊ နမ့်ဆန်မြို့နယ်တွင် တိုင်းရင်းသားလက်နက်ကိုင်များနှင့် စစ်ကောင်စီတို့ တိုက်ပွဲဖြစ်ပွားခဲ့ကြောင်းသိရသည်။
Leave a Comments