သျှမ်းတပ်(၂)တပ် တိုက်ပွဲဆက် မဖြစ်ရန် ရွှေလီမြစ်ဝှမ်းသံဃာတော်များတောင်းဆို

0

သျှမ်းတပ် (၂) တပ် တိုက်ပွဲ ဆက်လက် မဖြစ်ပွားရန် သျှမ်းမြောက် ရွှေလီမြစ်ဝှမ်းဒေသအတွင်း နေထိုင်သော သံယာတော်များ ပြည်သူများက တောင်းဆိုလိုက်သည်။

ရွှေလီမြစ်ဝှမ်း မူဆယ်မြို့နယ် ကျေးရွာအုပ်စု (၁၉) အုပ်စု အတွင်းနေထိုင်သော သံဃာတော်များ၊ ပြည်သူများမှ သျှမ်းတပ် (၂)တပ်ဖြစ်သည့် RCSS/SSA နှင့် SSPP/SSA တို့ တိုက်ပွဲ ဆက်လက် မဖြစ်ပွားရန်အတွက် သဘောထား (၃) ချက်ကို ယမန့် (ဧပြီ ၇)ရက်တွင် ထုတ်ပြန်ခဲ့သည်။

အဆိုပါ အချက် (၃)ချက်မှာ သျှမ်းတပ် (၂)တပ် ပေါင်းစည်းရေး၊ ထိုပေါင်းစည်းရေး မဖြစ်ပါက နယ်မြေလှုပ်ရှားရာတွင် တတပ်နှင့် တတပ် အကြောင်းကြားရန်၊ ထိတွေ့မှု မဖြစ်စေရန် နှင့် ဦးစွာ ပစ်ခတ်သည့် အဖွ့ဲကို လည်း ရှုတ်ချသွားမည် ဖြစ်ကြောင်း တောင်းဆိုထားသည်။

ရှမ်းပြည်ပြန်လည်ထူထောင်ရေးကောင်စီ၊ရှမ်းပြည်တပ်မတော် (RCSS/SSA) နှင့် ရှမ်းပြည်တိုးတက်ရေးပါတီ၊ရှမ်းပြည်တပ်မတော် (SSPP/SSA) တို့သည် ယနေ့ချိန်ထိ သျှမ်းပြည်မြောက်ပိုင်း သီပေါ နမတူ ကျောက်မဲမြို့နယ်တို့တွင် တိုက်ပွဲဖြစ်ပွားခဲ့ပြီး စစ်ရှောင်များ (၁၀၀၀) ခန့် ရှိကြောင်း သိရသည်။

အဆိုပါ နှစ်ဖက်တပ် တိုက်ပွဲဖြစ်ပွားရခြင်း အကြောင်းရင်းသည် နယ်မြေအငြင်းပွားမှုများ ဖြစ်ရကြောင်း သိရသည်။

Leave a Comments