သျှမ်းပြည်မြောက်ပိုင်းနမ္မတူမြို့နယ် ပန်ဆော့ ကျေးရွာအုပ်စု အတွင်းရှိ RCSSနှင့် TNLA တို့ိ ယနေ့ (မတ် ၂၄)ရက် မနက်ပိုင်း တိုက်ပွဲဖြစ်ပွားပြီး ပန်ကွတ်ကျးရွာဘုန်းကြီးကျောင်း ကို လက်နက်ကြီးကျကာ ဘုန်းကြီးတပါး ကျည်စ ထိမှန်သွားကြောင်း သတင်းရရှိသည်။

ယနေ့ (မတ် ၂၄)ရက် မနက်ပိုင်း ၆နာရီ မှစတင်ကာ နမ္မတူမြို့နယ်အတွင် သျှမ်းပြည်ပြန်လည်ထူထောင်ရေးကောင်စီ၊ သျှမ်းပြည်တပ်မတော် (RCSS/SSA)နှင့် တအာင်း(ပလောင်) အမျိုးသားလွတ်မြောက်ရေး တပ်မတော် (TNLA)တို့တိုက်ပွဲ ဖြစ်ပွားသည်။

ထိုတိုက်ပွဲကြောင့် ပန်ဆော့ကျေးရွာအုပ်စု ပန်ကွတ်ကျေးရွာဘုန်းကြီးကျောင်းတွင် လက်နက်ကြီးကျကာ ဘုန်းကြီးတပါး လက်နက်ထိမှန်ကာ လားရှိုးဆေးရုံသို့ ပို့ဆောင်ထားကြောင်းသိရသည်။

“ ဘုန်းကြီးတပါးတော့ လက်နက်ကြီးစ ထိမှန်ထားတယ်။လောဆယ်တော့ လားရှိုးဘက်ကို ပို့ထားတယ်။ တိုက်ပွဲကတော့နေ့တိုင်းလိုလိုပါပဲ။ TNLA နဲ့ RCSS ဖြစ်တယ်” ဟု နမ္မတူဒေသခံတဦးပြောပြချက် အရသိရသည်။

ထိုနည်းတူ သီပေါမြို့နယ် နားမခေါ်ကျေးရွာတွင်လည်း ယနေ့ မနက် ၆နာရီတွင် SSPP/SSA နှင့် RCSS/SSA တို့ တိုက်ပွဲဖြစ်ပွားမှုကြောင့် အရပ်သားနေအိမ်ပေါ် လက်နက်ကြီး ၂လုံးကျခဲ့ပြီး၊ ပြည်သူများ သီပေါမြို့ ပေါ်သို့ထွက်ပြေး တိမ်းရှောင်နေရသည်။