သျှမ်းပြည် မြောက်ပိုင်းတွင်ရှိ မြို့နယ် ၃ ခုတွင် တိုက်ပွဲ ဖြစ်ပွားမှုကြောင့် လက်ရှိအချိန်ထိ စစ်ဘေးရှောင်ဦးရေ ၁၀၀၀ ကျော်ရှိလာကြောင်း စုံစမ်းသိရှိရသည်။
သျှမ်းမြောက်ပိုင်း ကျောက်မဲမြို့၊နယ် နမ္မတူမြို့ နယ် နှင့် သီပေါမြို့နယ် တို့တွင် TNLA ၊SSPP/SSA နှင့် အစိုးရ တပ်မတော် စစ်တပ်တို့ အပါဝင် RCSS/SSA တို့နှင့် တိုက်ပွဲဖြစ်နေသောကြောင့် စစ်ဘေးရှောင်းနေရကြောင်းသိရသည်။
“ အခုက ကျတော်တို့ နမ္မတူမြို့ မန်းဟောင်းစံကျောင်း နဲ့ ပုဗ္ဗာရုံ တို နှစ်နေရာပေါင်းရင်တော့ လူ ၃၄၀ လောက်ရှိတယ်” ဟု စစ်ဘေးရှောင်ကူညီသူ လုံးဘဉာဏ်ကပြောသည်။
လက်ရှိအချိန်တွင် ပုဗ္ဗာရုံကျောင်း တွင်လာရောက်နေထိုင်သည့် စစ်ဘေးရှောင်များအတွက် စားဝတ်နေရေး အခက်အခဲများစွာရှိနေကြောင်းသိရသည်။
“ အခု ပုဗ္ဗာရုံမှာက အကူညီတွေ အများကြီး လိုအပ်နေပါတယ်။ အခုက ဆန်အိတ် ၇ အိတ်ပဲကျန်တယ်။ တရက်ကို ၁ အိတ်လောက်ချက်ရတယ်။ ကြက်သွန်၊ ဆား၊ တွေ စသဖြင့်တော့ အခက်ခဲရှိလာပြီ” ဟု လုံးဘဉာဏ်က ပြောသည်။
မန်းစံကျောင်းတွင် စစ်ဘေးရှောင် ဖြင့်ရောက်လာသူ (၂၃၆) ယောက်ရှိပြီး၊ ပုဗ္ဗာရုံကျောင်းတွင် (၁၇၁) ဦးရောက်ရှိလာကြောင်းသိရသည်။
သီပေါမြို့နယ်တွင်လည်း စစ်ဘေးရှောင်လာသူ ၂၀၀ ကျော်ရှိကြောင်း သိရသည်။
“ ကျမတို့ သီပေါမှာတော့ စစ်ဘေးရှောင်လာတာကလောဆယ် ၁၄၇ ဦးရှိတယ်။ ဆက်တိုက်လာနေသေးတယ်” ဟု သီပေါမြို့တွင် ကူညီနေသည့်သူကပြောသည်။
ထိုနည်းတူ ကျောက်မဲမြို့နယ် တွင်လည်း စစ်ဘေးရှောင် ၅၀၀ကျော် ရှိနေကြောင်းလည်း စစ်ဘေးရှောင်ကူညီနေသူများ ကပြောသည်။
“ တိုက်ပွဲတွေဆက်တိုက်ဖြစ်တော့ စစ်ရှောင်တွေလည်း ထွက်လာတယ်။ ဒီနေ့ညနေထိထွက်လာတုန်းပဲ။ ဒီကစစ်ရှောင်အများစုက အသက်ကြီးတဲ့သူတွေပါ။ ဆေးတွေ အနွေးထည်တွေ၊ အိပ်ယာအခင်းတွေ စားစရာတွေလိုတယ်” ဟု ကျောက်မဲစစ်ဘေးရှောင်ကူညီနေသည့် သူများကပြောသည်။
ဖေဖော်ဝါရီ ၉ ရက်နေ့ကလည်း RCSS/SSA နှင့် SSPP/SSA တို့က စစ်ပွဲဖြစ်ပွားမှုကြောင့် ပြည်သူများ စစ်ဘေးရှောင်သူများ ၁၀၀ ကျော်ရှိခဲ့ကြောင်းသိရသည်။
Leave a Comments