သျှမ်းပြည်မြောက်ပိုင်း မူဆယ်မြို့တွင် စစ်အာဏာသိမ်းမှုကို တရုတ်မှ မကူညီရန် အတွက် မူဆယ် ဒေသခံများ က နယ်စပ်ဂိတ်တွင် သွားရောက်ဆန္ဒထုတ်ဖော်ခဲ့ကြောင်း စုံစမ်းသိရှိရသည်။
ယနေ့ (ဖေဖော်ဝါရီ ၁၆ ရက်) မနက်ပိုင်းအချိန်တွင် မူဆယ်မြိုဒေသခံ( ၁၀၀၀) ကျော်သည် “ မြန်မာစစ်တပ် အာဏာသိမ်မှုကို မကူညီရန်” ဆိုင်ဘုတ်များကို ကိုင်ဆောင်ပြီး မြန်မာ-တရုတ်နယ်စပ်ဂိတ်သို့ သွားရောက် ဆန္ဒထုတ်ဖော်ခဲ့ကြောင်းသိရသည်။
“ ဒီနေ့ ကျနော်တို့ တရုတ် နယ်စပ်တံခါးမှာသွားပြီး ဆန္ဒပြတာပါ။ အဓိကတော့ တပ်မတော်က အာဏာသိမ်းတာကိုတရုတ်မှ ဝင်ရောက်ပြီး မကူညီဖို့ သွားရောက်ဆန္ဒပြခဲ့တာပါ” ဟု ဆန္ဒထုတ်ဖော်ရာတွင် ပါဝင်သည့် မူဆယ် ဒေသခံသျှမ်းလူငယ်တဦးက ပြောသည်။
ထိုသို့ ဆန္ဒထုတ်ဖော်ရာတွင် တရုတ်နယ်စပ်တွင် တရုတ်စစ်တပ်မှ လာရောက်လုံခြုံးရေးယူထားကြောင်းသိရသည်။
ဆန္ဒလာရောက်ပြသူများသည် တိုင်းရင်းသား ဝတ်စုံများဝတ်ပြီး တရုတ်၊ အင်္ဂလိပ်စာဖြင့်ရေးထားသော တရုတ်မှ “စစ်အာဏာသိမ်းမှုကို မကူညီရန် ” ဆိုသည့် ဆိုင်းဘုတ်များကို ကိုင်ဆောင်ပြီး ဆန္ဒထုတ်ဖော်ခဲ့ကြသည်။
Leave a Comments