သျှမ်းပြည်အပါအဝင် မြန်မာတဝှမ်းလုံး ရှိ ဘဏ်ဝန်ထမ်းများသည် စစ်အာဏာရှင် ဆန့်ကျင်ရေး(CDM)လုပ်ဆောင်ကြသဖြင့် ဘဏ်များပိတ်ဆိုင်းလိုက်ရကြောင်း စုံစမ်းသိရသည်။
ယနေ့ (ဖေဖော်ဝါရီ ၁၅)ရက်တွင် ပုဂ္ဂလိက ဘဏ်ဝန်ထမ်းများ (CDM)လုပ်ဆောင်ရန် အတွက် ပြည်သူများက တောင်းဆိုခဲ့ကြပြီး၊ ယနေ့မှာ ပုဂ္ဂလိကဘဏ်ထန်ထမ်း အများစု CDM ပြုလုပ်ကြကာ ဘဏ်ပိတ်ဆိုင်းထားရကြောင်း သိရသည်။
“ တောင်ကြီးမြို့ ပေါ်မှာ ရှိတဲ့ ပုဂ္ဂလိကဘဏ်တွေ ရှေ့မှာစစ်အာဏာရှင် ဆန့်ကျင်တဲ့ ပြည်သူတွေ က ထိုင်သပိတ်အနေနဲ့ပြပါတယ်။ ဘဏ်လည်း ပိတ်ထားပါတယ်။ ဒါပေမယ့် စစ်အာဏာရှင်တွေနဲ့ ဆက်စပ်တဲ့ မြဝတီဘဏ်၊ အင်းဝဘဏ်တွေကတော့ တပ်လုံခြုံရေး တွေ အပြည့် စောင့်နေပါတယ်” ဟု တောင်ကြီးမြို့ ဒေသခံ တဦး ပြောပြချက် အရသိရသည်။
ပုဂ္ဂလိက ဘဏ် များပိတ်ဆိုင်းထားသော်လည်း စစ်အာဏာရှင် နှင့် ဆက်စပ်သည့် အင်းဝဘဏ်၊ မြန်မာရှေ့ဆောင်ဘဏ် တို့ သည် ဖွင့်လှစ်ထားပြီး စစ်သားများနှင့် ရဲများက လုံးခြုံရေး အပြည့်ယူထားကြောင်းသိရသည်။
ယနေ့ ဆန္ဒပြပွဲတွင် စစ်တပ်ဘဏ်ရှေ့တွင် ဝန်းထမ်းများအားလုံး CDM တွင် ပါဝင်လှုပ်ရှားလာရန် အတွက် ဘဏ်ရှေ့တွင် ထိုင်ပြီး ဆန္ဒပြခဲ့ကြသည်။
Leave a Comments