သျှမ်းပြည်တွင် ကိုဗစ်-၁၉ အတည်ပြု လူနာ(၆၅၀) ကျော် ရှိကြောင်း စုံစမ်းသိရှိရသည်။
ဒီဇင်ဘာ (၁၀) ရက်နေ့ထိ စာရင်းအရ သျှမ်းပြည်တွင်း ကိုဗစ်-၁၉ အတည်ပြု လူနာ စုစုပေါင်း (၆၅၅) ဦး၊ သေဆုံးသူ ၃ ဦး နှင့် ဆေးရုံမှ ဆင်းခွင့်ရသူ (၄၄၅) ဦးရှိကြောင်း သျှမ်းပြည်နယ် အစိုးရထံ စုံစမ်းသိရှိရသည်။
ထိုအထဲတွင် သျှမ်းပြည်တောင်ပိုင်း တောင်ကြီးမြို့ နှင့် သျှမ်းပြည်အရှေ့ပိုင်း တာချီလိတ်မြို့တို့သည် ကိုဗစ်-၁၉ ကူးစက်မှု အများဆုံးဖြစ်သည်။
ဒီဇင်ဘာ(၁၀) ရက်နေ့ ည (၈) နာရီ ထုတ်ပြန်ချက်အရ ကိုဗစ်-၁၉ ကူးစက်သူ (၁,၃၂၁) ဦး၊ဆေးရုံဆင်းခွင့်ရသူ (၁,၀၉၈) ဦး နှင့် သေဆုံးသူ (၂၇) ဦးတို့ ရှိကြောင်း အားကစား နှင့် ကျန်းမာရေး ဝန်ကြီးဌာန ထုတ်ပြန်ချက်အရ သိရသည်။
မြန်မာနိုင်ငံတွင် ကိုဗစ်-၁၉ အတည်ပြု လူနာ စုစုပေါင်း (၁၀၄,၄၈၇) ဦး၊ ဆေးရုံဆင်းခွင့်ရသူ စုစုပေါင်း (၈၂,၈၁၃) ဦး နှင့် သေဆုံးသူ (၂,၂၀၁) ဦး တို့ဖြစ်ကြောင်း ဒီဇင်ဘာ (၁၀) ရက် ည ၈ နာရီ ထုတ်ပြန်ချက် အရ သိရသည်။
Leave a Comments