သျှမ်းပြည်နယ် အတွင်းရှိ မြို့နယ် ၉ ခု အပါအဝင် မြို့နယ် ၆၃ ခုတွင် စစ်တပ် ရွေးကောက်ပွဲ အပိုင်း (၃) ကို လာမည့် ဇန်နဝါရီလ ၂၅ ရက်နေ့တွင် ကျင်းပမည်ဖြစ်ကြောင်း စစ်တပ် ရွေးကောက်ပွဲ ကော်မရှင်က ယနေ့ ဒီဇင်ဘာလ ၂၅ ရက်၊ ညပိုင်းတွင် ထုတ်ပြန်သည်။
ရွေးကောက်ပွဲ အပိုင်း (၃) တွင် သျှမ်းပြည်မှ မက်မန်း၊ ပင်လောင်း၊ ညောင်ရွှေ၊ ဖယ်ခုံ၊ မိုးနဲ၊ ကျေးသီး၊ မိုင်းရှူး၊ သီပေါနှင့် ကျောက်မဲ မြို့နယ်တို့ ဖြစ်သည်။
ထို့အပြင် ကချင်ပြည်နယ်မှ ဗန်းမော်၊ မံစီ၊ မိုးမောက်၊ ဖားကန့်နှင့် ရွှေကူ မြို့နယ်တို့ ပါဝင်နေရာ လက်ရှိ ဗန်းမော်မြို့တွင် တိုက်ပွဲ ပြင်းထန်နေသည်။
ရွေးကောက်ပွဲ အပိုင်း (၃) တွင် ကချင်ပြည်နယ်မှ ၅ မြို့နယ်၊ ကရင်ပြည်နယ် ၂ မြို့နယ်၊ စစ်ကိုင်းတိုင်း ၂ မြို့နယ်၊ တနင်းသာရီတိုင်း ၃ မြို့နယ်၊ ပဲခူးတိုင်း ၈ မြို့နယ်၊ မန္တလေးတိုင်း ၈ မြို့နယ်၊ ရန်ကုန်တိုင်း ၁၇ မြို့နယ်၊ သျှမ်းပြည်နယ် ၉ မြို့နယ်၊ ဧရာဝတီတိုင်း ၉ မြို့နယ် ပါဝင်သည်။
၂၀၂၅ ခုနှစ်၊ ဒီဇင်ဘာ ၂၈ ရက်တွင် စတင်မည့် စစ်တပ် ရွေးကောက်ပွဲ အပိုင်း ( ၁ ) တွင် ၁၀၂ မြို့နယ်၊ ၂၀၂၆ ခုနှစ်၊ ဇန်နဝါရီလ ၁၁ ရက်နေ့တွင် ပြုလုပ်မည့် ရွေးကောက်ပွဲ အပိုင်း ( ၂ ) တွင် မြို့နယ် ၁၀၀ နှင့် ယခု ရွေးကောက်ပွဲ အပိုင်း( ၃ ) တွင် ၆၃ မြို့နယ် ပါဝင်ကြောင်း ထုတ်ပြန်ချက်တွင် ဖော်ပြထားရာ စုစုပေါင်း မြို့နယ် ၂၆၅ မြို့နယ်တွင်သာ ပြုလုပ်နိုင်မည် ဖြစ်သည်။
Leave a Comments