ထိုင်း – မြန်မာ နယ်စပ် တာချီလိတ်မြို့တွင် ထိုင်းမှ ပြန်လာသည့် မြန်မာနိုင်ငံသား ၆၄ ဦး ရောက်ရှိ ကြောင်း စုံစမ်း သိရှိရသည်။
နေရပ်ပြန် ရွှေ့ပြောင်းအုလပ်သမားများသည် ယမန်နေ့( ဇွန် ၉ ရက်) နေ့လည် ၂ နာရီမှာ တာချီလိတ် – မယ်ဆိုင် တံတားအမှတ် (၂) တွင် စတင်လက်ခံပြီး တာချီလိတ်မြို့ရှိ မိုးကုတ်ဝိပဿနာ ရိပ်သာ တွင် Quarantine ထားကြောင်း သိရသည်။
ထိုင်းမှ ပြန်လာသူများတွင် ထိုင်ထောင်တွင် ပြစ်ဒဏ်စေ့ပြီး ပြန်လွှတ်လာသူ ၁၃ဦး ပါဝင်ပြီး၊ ထိုင်းနိုင်ငံ မယ့်ဖှလုံတက္ကသိုလ်တွင် ကျောင်းတက်နေသည့် မြန်မာနိုင်ငံသား ( ၁၉ ) နှင့် နေရပ်ပြန် ရွှေ့ပြောင်းအလုပ်သမား ၃၂ဦးတို့ရှိကြောင်း တာချီလိတ်မြို့နယ် အုပ်ချုပ်ရေးမှူး ဦးချမ်းမြေ့စော က သျှမ်းသံတော်ဆင့် သို့ပြောသည်။
“ရောက်တာနဲ့ ဓါတ်ခွဲ နမူနာယူပြီးတော့ ပို့ပါ့မယ်။ Negative ဖြစ်ရင် ပြန်လွှတ်ပါပြီ” ဟု ဦးချမ်းမြေ့စော က ပြောသည်။
ဇွန် ၅ရက်တွင်လည်း တာချီလိတ်- မယ်ဆိုင် တံတား အမှတ်(၂) တွင် ထိုင်းဘက်မှ နေရပ်ပြန် နှင့် ပြစ်ဒဏ်စေ့ လွှဲပြောင်းသူ ၇၆ဦးရှိခဲကြောင်းသိရသည်။