ကိုဗစ် ၁၉ ကြား သျှမ်းလွှတ်တော် ယနေ့ စတင်

ယနေ့ ပြန်လည်ခေါ်ယူကျင်းပသည့် သျှမ်းပြည်နယ် လွှတ်တော် အထူးအစည်းအဝေး ကို ကျန်းမာရေး ဌာနက ထုတ်ပြန်ထားသည့်အတိုင်းလွှတ်တော်အမတ်များ တစ်ဦးနှင့်တဉီး  ၆ ပေ အကွာ ထိုင်ပြီး အစည်းအဝေး တက်ရောက်ကြကြောင်း သိရသည်။

Photo by လွှတ်တော်အမတ်တဉီး – လွှတ်တော်ကိုယ်စားလှယ် များ ယနေ့ လွှတ်တော်တက်သည့် ပုံ

ယနေ့ မေလ ၁၈ ရက် တွင် စတင်ကျင်းပသည့် အထူးအစည်းအဝေး တက်ရောက်ချိန်တွင် လွှတ်တော်အမတ် တစ်ဦးလျှင် ၆ ပေ အကွာ  တစ်ခုံခြား ထိုင်ရကြောင်း လွိုင်လင်မြို့နယ် မဲဆန္ဒနယ် အမှတ် (၂) နန်းမြထွေး က သျှမ်းသံတော်ဆင့် ကိုပြောသည်။

“ကျန်းမာရေး ဌာနက လမ်းညွှန်ထားတဲ့အတိုင်း ၆ ပေ အကွာမှာ ထိုင်ရတယ်။ ပြီးတော့ မနေ့က ရောက်တာနဲ့ ကျန်းမာရေး စစ်ဆေးတဲ့ အပိုင်းတွေ လုပ်တယ်။ ရိပ်သာမှာလည်း တစ်ယောက်တည်းပဲ နေထိုင်ရတယ်။” ဟု နန်းမြထွေး ကပြောသည်။

Photo by လွှတ်တော်အမတ်တဉီး – ယနေ့ သျှမ်းပြည်နယ်လွှတ်တော် ပြန်တက်ကြသည့် ပုံ

အထူးအစည်းအဝေးကို ၂ ရက်တာ ပြုလုပ်သွားမည် ဖြစ်ရာ လွှတ်တော်အမတ်များကို နှာခေါင်းစည်း နှင့် လက်အိတ် များလည်း ဖြန့်ဝေ ပေးထားကြောင်းသိရသည်။

“လွှတ်တော်က ကျန်းမာရေးဌာန က လမ်းညွှန်ထားတဲ့အတိုင်း လိုက်နာပါတယ်။ လက်မှတ်ထိုးတဲ့ နေရာမှာလည်း မြို့နယ် အလိုက် အဆင်ပြေအောင် လုပ်ပေးထားတယ်ဆိုတော့ အရင်ကဆို သျှမ်းမြောက်၊ သျှမ်းတောင် နဲ့ သျှမ်းအရှေ့ ဆိုပြီး လက်မှတ်ထိုးရတယ်။ ခုက မြို့နယ်အလိုက် လုပ်ပေးထားတော့ အဆင်ပြေတယ်။”ဟု သျှမ်းပြည်နယ် လွှတ်တော်အမတ် နန်းမြထွေး ကပြောသည်။

ဒုတိယအကြိမ် သျှမ်းပြည်နယ်လွှတ်တော် အထူးအစည်းအဝေးကို ၂ ရက် အချိန်ယူ ပြုလုပ်သွားမည်ဖြစ်ပြီး သျှမ်းပြည်နယ် ဘဏ္ဍရန်ပုံငွေတွင် ပါဝင်သော ဌာန/အဖွဲ့အစည်းများ၏ ၂၀၂၀ – ၂၀၂၁ ခု ၊ ဘဏ္ဍရေးနှစ်  ရသုံးမှန်းခြေငွေစာရင်းအား အတည်ပြုမည် ဖြစ်ကြောင်း သိရသည်။


eastern_breeze
SHARE