ယခုရက်ပိုင်း ထိုင်းနိုင်ငံတွင်း ကိုဗစ် ၁၉ကူးစက်ခံရသူ (၇၀၀၀)ကျော်ထိရှိလာပြီး တစ်ဉီးသေဆုံးခဲ့ကြောင်း မေ (၉)ရက် ထိုင်းနိုင်ငံ​ရောဂါထိန်းချုပ်ရေး ဌာန DDC က ထုတ်ပြန်လိုက်သည်။

ကိုဗစ်-၁၉ ကူးစက်ခံရသူ (၇၀၁၃)ဦးရှိပြီး ထိုထဲမှ တစ်ဉီးသည် သေဆုံးခဲ့ကြောင်း၊ ထိုစာရင်းများသည် မေလ ၄ရက်မှ မေလ ၈ ရက်အထိ ၄ရက်အတွင်း ဖြစ်ကြောင်းသိရသည်။

ကိုဗစ်-၁၉ ကူးစက်သူ များပြားလာသဖြင့် မိုးရာသီကျောင်းဖွင့်ချိန်တွင်ရောက်ဂါကူးစက်မှု ပိုမိုမြင့်တက်လာနိုင်ကြောင်း DDCမှ ထုတ်ပြန်ချက်တွင်ရေးသားထားသည်။

အဆိုပါ ကိုဗစ်-၁၉ ရောဂါကူးစက်ခံရသူ အများစုသည် အသက် (၄)နှစ်အောက်ကလေးများ ဖြစ်ပြီး ဒုတိယ ကူးစက်ခံရသူမှာ အသက် ၃၀ မှ ၃၉ ကြားဖြစ်ကာ ၂၀ ကျော် အရွယ်များသည်လည်း ကူးစက်ခံရသည်။

ကိုဗစ်-၁၉ကြောင့် သေဆုံးသွားသူသည် အသက် (၆၀)အရွယ်တစ်ဦးဖြစ်ကြောင်း ဖော်ပြထားသည်။

ပြီးခဲ့သည့် ဇန်နဝါရီလ (၁)ရက်မှ မေလ (၈)ရက်နေ့အထိ ရောဂါကူးစက်သူ (၄၁,၁၉၇)ဦးရှိပြီး သေဆုံးသူ (၁၅)ဦးရှိခဲ့ကြောင်း DDCက ထုတ်ပြန်ထားသည်။

ထို့ကြောင့် မြန်မာရွှေ့ပြောင်းလုပ်သမားများအနေဖြင့် လူစုလူဝေးများ ရှောင်ရှားစေလိုပြီး လက်ဆေးခြင်း၊ Maskတပ်ခြင်း စသည့် ကိုဗစ်-၁၉ လုပ်ငန်းစဉ်များကိုလိုက်နာစေလိုကြောင်းနှင့် အဟာရရှိသည့်အစားသောက်များ စားသောက်ရန် လိုအပ်ကြောင်း ရွှေ့ပြောင်းလုပ်သား လူငယ်အမျိုးသားတစ်ဦးက အကြံပြုထားသည်။

“ကျနော်တို့က ရွှေ့ပြောင်းအလုပ်သမားဖြစ်နေတော့ အလုပ်မလုပ်ရရင်လည်း ဝမ်းစာဖြေရှင်းဖို့မလွယ်ဘူး၊သူများနိုင်ငံက ချမှတ်ထားတဲ့ စည်းကမ်းကိုလိုနာဖို့လိုတယ်။ ကိုယ့်ကို ဂရုစိုက်ပြီးနေသင့်တယ်။ ဒီနိုင်ငံမှာက ဆေးဖိုးလည်း အရမ်း ဈေးကြီးတယ် ဆိုတော့ အပြင်သွားရင် မတ်တပ်ပါ။လက်ဆေးပါ။လူများတဲ့ နေရာသိပ်မသွားနဲ့။ကိုယ့်ကို အဟာရရှိတာစားပြီး ကိုယ်ခံအားကောင်းအောင်နေ။” ဟု အသက်(၃၀)ဝန်းကျင် အမျိုးသားတစ်ဦးက အကြံပြုထားသည်။

ထို့အပြင် ရောဂါလက္ခဏာရှိသူများသည် ATKစမ်းသပ်မှုကို အသုံးပြုသင့်ပြီး ကိုဗစ်-၁၉ ကူးစက်မှုတွေ့ရှိပါက ဆေးဝါးကုသမှု အမြန်ဆုံးရယူသင့်သည်ဟု Dr Panumas ဆိုသည်။

တုတ်ကွေးရောဂါ ကူးစက်သူများသည် ဇန်နဝါရီလ (၁)ရက်မှ မေလ (၈)ရက်အတွင်း လူနာ ၃၂၂,၉၉၁ ဦးအထိရှိပြီး သေဆုံးသူ ၄၃ ဦးရှိခဲ့ကြောင်းနှင့် လူဦးရေ တစ်သိန်းတွင် ရောဂါဖြစ်ပွားမှု ၄၉၇.၅၈ ဦးဖြစ်ကြောင်း DDC ထုတ်ပြန်ချက်အရသိရသည်။

မိုးရာသီအတွင်း ကိုဗစ်-၁၉ ကူးစက်မှုများ မြင့်တက်လာသော်လည်း လတ်တလောတွင် အပတ်စဉ်ကိန်းဂဏန်းများအရ ကျဆင်းသွားမှုရှိသော်လည်း ဂရုစိုက်နေစေလိုကြောင်း Dr Panumas ပြောသည်။