သျှမ်းပြည်အရှေ့ပိုင်း မြန်မာ – ထိုင်း ချစ်ကြည်ရေး တံတား အမှတ်(၂) တွင် ပြန်ဝင်လာမည့် ပြည်တော်ပြန်များ ယနေ့ မေလ ၁ ရက်နေ့မှာ စာရင်းပေးထားခြင်း မရှိသေးကြောင်း သိရသည်။
တာချီလိတ်တွင် ရှိသည့် ထိုင်း – မြန်မာ ချစ်ကြည်ရေးတံတား အမှတ် (၂) မှာ ပြည်တော်ပြန်လာမည့်သူဦးရေ မရှိသေးကြောင်း တာချီလိတ်မြို့နယ် အုပ်ချုပ်ရေးမှူး ဦးချမ်းမြေ့စော ကပြောသည်။
Photo by U Htun Maesai/ ဧပြီ၆ရက်တွင် မြန်မာ-ထိုင်းနယ်စပ် တာချီလိတ်မြို့ ရှိ တံတား(၂) သို့ ပြန်တော်ပြန်ဝင်လာသည့် ပုံ
“ ပြည်တော်ပြည်တွေ ဒီနေ့ထိတော့ ကျနော်တို့ဆီ စာရင်းပေးထားတာတော့ မရှိသေးဘူး လာမယ်ဆိုရင် လက်ခံပါတယ်။ လာဖို့က ဟိုဘက်ကမ်းမှာ ဘယ်သူမှ မရှိနေဘူး” ဟု ဦးချမ်းမြေ့စော ကပြောသည်။
ထိုင်းနိုင်ငံမဲဆောက်မြို့ မှ မြန်မာနိုင်ငံ မြဝတီဘက်တွင် တစ်နိုင်ငံလုံး အတိုင်းအတာဖြင့် ပြည်တော်များ လက်ခံသွားရန် ရှိကြောင်း သိရသည်။
တာချီလိတ်ဘက်တွင် လက်ခံနိုင်ရန် စာရင်းပြုစုနေကြောင်း သိရသည်။
