ကိုးကန့်ကိုယ်ပိုင်အုပ်ချုပ်ခွင့်ရဒေသတွင် ရောက်ရှိနေသည့် တရုတ်ပြည်တော်ပြန် ၅၀၀ ကျော်ကို သက်ဆိုင်ရာ တိုင်းအစိုးရ မှ လာရောက်ခေါ်ဆောင်သွားပြီဖြစ်ကြောင်း စုံစမ်းသိရသည်။
တရုတ်ပြည်တော်ပြန် ၁၂၀၀ကျော်သည် မန္တလေးတိုင်း၊ စစ်ကိုင်းတိုင်း နှင့် မကွေးတိုင်း ဒေသခံ အများစုဖြစ်ပြီး၊လက်ရှိ ပြန်သွားဦးရေ မှာ (၅၁၅)ဦးရှိကြောင်း လောက်ကိုင်ဒေသတွင် တာဝန်ထမ်းဆောင်နေသည့် ဝန်ထမ်း တဦးက သျှမ်းသံတော်ဆင့် သို့ပြောသည်။
“ကျနော်တို့က ကိုးကန့်ကိုယ်ပိုင်အုပ်ချုပ်ခွင့်ရဒေသ ကနေ လားရှိုး အထိ ပို့ပေးတယ်။ လားရှိုးရောက်ရင် သူတို့ရဲ့ သက်ဆိုင်ရာ တိုင်းအစိုးရ တွေက ဆက်လက် လုပ်ဆောင်သွားတာပါ”ဟု လောက်ကိုင်ဒေသ အစိုးရ ဝန်ထမ်းတစ်ဦး က သျှမ်းသံတော်ဆင့် ကိုပြောသည်။
အဆိုပါ ပြည်တော်ပြန်များကို ဧပြီ ၂၈ ရက်နှင့် ဧပြီ ၂၉ ရက်နေ့တွင် လောက်ကိုင်မြို့ မှ လားရှိုးမြို့ထိ ပို့ဆောင်ပေးခဲ့ပြီး ထိုသူများကို သက်ဆိုင်ရာတိုင်းအစိုးရအသီးသီးမှ လာရောက်ခေါ်ဆောင်သွားကြောင်း ကြာင်းသိရသည်။
“ယာယီစခန်းမှာ သီးသန့်ထားပြီးတော့ လူစုပေးတယ်။ ပြီးတော့ သူတို့ ပြန်နိုင်ဖို့အတွက် ကားစီစဉ်ပေးပြီး ကားခတော့ ပြည်တော်ပြန်တွေဘက်က ပေးရတယ်”ဟု လောက်ကိုင် အစိုးရဝန်ထမ်း ကပြောသည်။
ကိုးကန့်ကိုယ်ပိုင် အုပ်ချုပ်ခွင့်ရချင်းရွှေဟော်နယ်စပ်မြို့မှ တရုတ်နိုင်ငံမှ ပြည်တော်ပြန်၂၅၀၀၀ မြန်မာနိုင်ငံတွင်းသို့ ပြန်လည်ဝင်ရောက်လာမည်ဖြစ်ပြီး သိရသည်။ ထိုနည်းတူ မူဆယ်ဂိတ် ဘက်တွင်လည်း တရုတ်ပြည်တော်ပြန်များ ဝင်ရောက်လာကြောင်း သိရသည်။
Leave a Comments