သျှမ်းပြည် မြောက်ပိုင်း သီပေါမြို့နယ် နမ့်လန်ကျေးရွာ ၌ သက်တမ်း ၂၉ နှစ်ရှိ မြို့ဦး ဘုန်းကြီးကျောင်း မီးလောင်မှု ဖြစ်ပွားခဲ့သည်။
ဧပြီလ ၈ ရက် ယနေ့မနက်ကဖြစ်ပွါးသော အဆိုပါ မီးလောင်မှုကြောင့် သက်တမ်း ၂၉ နှစ်ရှိ မြို့ဦး ပရိယတ္တိ ဘုန်းကြီးကျောင်း၊ ကျောင်းဆောင် တခုလုံး နီးပါး မီးသင့်ခဲ့ကြောင်း နမ့်လန် ကျေးရွာရှိ သျှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ဥက္ကဌ စိုင်းစံလျန်းက ပြောသည်။
“ကျောင်းပေါ်မှာ ညပိုင်းဆီမီးထွန်းလေ့ မရှိဘူး၊ မီးအတောက်ဆုံးနေရာက မီတာဘုတ်ခုံနားတစ်ဝိုက်ဖြစ်နေတယ်။ ဝါယာရှောက်ခ်ဖြစ်နိုင်ချေများတယ်” ဟု စိုင်းစံ လျန်း ကပြောသည်။
မီးလောင်ချိန်သည် မနက် ၂ နာရီ စတင်လောင်ကျွမ်းပြီး မနက် ၄နာရီ တွင် မီးငြိမ်းသတ်နိုင်ခဲ့ကြောင်း သိရသည်။
“ မီးလောင်ကျွမ်းမှု ကြောင့် ထိခိုက်ဒဏ်ရာ ရတဲ့သူတွေတော့ မရှိဘူး။ အခုလောဆယ် ဆုံးရှုံးတန်ဖိုးငွေ မသိရသေးဘူး” သီပေါပြည်နယ် မဲဆန္ဒနယ် အမှတ် (၂) လွှတ်တော်အမတ် ဦးစိုင်းခမ်းအောင်က ပြောသည်။
မြို့ဦး ပရိယတ္တိ ကျောင်းတိုက်သည် သံဃာတော် အပါး ၅၀ကျော် သီတင်းသုံးနေ ထိုင်ပါသည်။ မီးသင့်သည့် ကျောင်းတွင် သံဃာတော် ၃ပါး သီတင်းသုံးတော်မူပြီး၊ အပေါ်ထပ်တွင် ကျောင်းထိုင်ဆရာတော် သီတင်း သုံး ကြောင်း သိရသည်။
Leave a Comments