Friday, June 14, 2024

တရုတ်နယ်စပ်ဂိတ် ဝင်၊ထွက်ခွင့် ပိတ်

Must read

မြန်မာ-တရုတ်နယ်စပ် မူဆယ်မြို့နယ် အတွင်းရှိ လူဝင်၊ထွက်ဂိတ်များအားလုံး ယာယီပိတ်လိုက်ကြောင်း သတင်းရရှိသည်။

 

Photo by ထုန့်ဟွေ့လီ

မူဆယ်မြို့နယ် အတွင်းရှိ နယ်စပ်ဂိတ်များကို ဧပြီ ၁ရက်နေ့မှစတင်ပြီး တရုတ်နိုင်ငံက ယာယီပိတ်လိုက်ကြောင်း သိရသည်။

ယခုရက်ပိုင်း မြန်မာနိုင်ငံ အတွင်း COVID-19 အတည်ပြုလူနာ ၁၅ ဦး နှင့် စောင့်ကြည့်သူများ လာသည့် အတွက် တရုတ်နိုင်ငံမှာ ဝင်၊ထွက် ခွင့် ပိတ်လိုက်ခြင်းဖြစ်သည်။

မူဆယ်နယ်စပ် လူဝင်၊ထွက်ခွင့်ပိတ်လိုက်သည့် ဂိတ်များမှာ မန့်ဝိန်းဂိတ်၊ ဆင်ဖြူဂိတ်၊ နန်းတော်( အလယ်ဂိတ်) ကျင်ဆန်ကျော့ဂိတ်၊ မန့်ဟီးရိုး ဂိတ် တို့ ဖြစ်သည်။

“ မနက်ဖန် ဂိတ်တွေ စပိတ်မှာ။ လူ ဝင်၊ထွက် လို့မရဘူး။ ဒါပေမယ့် ကုန်ကားတွေကတော့ မန့်ဝိန်းဂိတ်နဲ့ ကျင်ဆန်ကျော့ ဂိတ်မှာ ဝင်ရမယ်” ဟု မူဆယ် ဒေသခံ စိုင်းမြတ် က ပြောသည်။

လွန်ခဲ့သည့် ဒီဇင်ဘာ လကုန်ပိုင်းတွင် တရုတ်နိုင်ငံ ဝူဟန်ပြည်နယ်မှ စတင်ကာ ဖြစ်ပွားသည့် ခိုရိုနာ ဗိုင်းရပ်စ် ကူးစက်မြန်အဆုတ်ရောဂါသည် လက်ရှိမှာ ကမ္ဘာ နိုင်ငံပေါင်းများစွာ နှင့် အတူ မြန်မာနိုင်ငံကို ကူးစက်ခဲ့သည်။

ယခင်တရုတ်နိုင်ငံဖြစ်ပွားချိန်တွင် အဆိုပါ နယ်စပ်ဂိတ်များ ပိတ်ဆိုင်းခြင်းမရှိခဲ့ကြောင်း၊ ယခု မြန်မာနိုင်ငံတွင် ကူးစက်သူများပြားလာမှ နယ်စပ်ဂိတ်ပိတ်သည့် အပေါ် မူဆယ် ဒေသခံများ က သဘောမတွေ့ ကျကြောင်း သိရသည်။

Leave a Comments

- Advertisement -spot_img

Latest article