သျှမ်းပြည် မြောက်ပိုင်း သိန်နီ မြို့တွင် အမျိုးသား တဦး ယနေ့ မနက်ပိုင်း တွင် ဓားခုတ်ခံရကြောင်း သတင်းရရှိသည်။
သျှမ်းပြည် မြောက်ပိုင်း သိန်နီ မြို့တွင် အမျိုးသား တဦး ယနေ့ မနက်ပိုင်း တွင် ဓားခုတ်ခံရကြောင်း သတင်းရရှိသည်။
ဖြစ်စဉ်မှာ ယနေ့(ဖေဖော်ဝါရီ ၃) ရက် မနက် ၄နာရီကျော်တွင် အမျိုးသား ၂ဦး ရန်ဖြစ်ရာမှ အသက် ၄၀ကျော် စိုင်းကျော်အေး ဓားခုတ်ခံရကြောင်း သိန်နီ အနှိုင်းမဲ့ လူမှုကူညီရေး အသင်း မှ စိုင်းဖ က သျှမ်းသံတော်ဆင့် သို့ ပြောသည်။
“ ဒဏ်ရာကတော့ ပြင်းတယ်။ အသက် အန္တရာယ်တော့ မစိုးရိမ်ရဘူး။ ခြေ၂ဘက်၊ လက် ၂ဘက် စလုံးထိတယ်။ ဘယ်ဘက် ခြေ ဒဏ်ရာပြင်းတယ်။ ကျနော်တို့ အစ က သိန်နီ ဆေးရုံကို ပို့တယ်၊ နောက် လားရှိုးကိုလွှဲပေးလိုက်ရတယ်” ဟု စိုင်းဖ က ဆိုသည်။
အဆိုပါ ဒဏ်ရာရသည် စိုင်းကျော်အေးကို ဓားဖြင့် ခုတ်သည့် အမျိုးသားသည် သိန်နီမြို့တွင် နေထိုင်သည့် စိတ်မနှံ့သည့် အမျိုးသားကို တုတ်ဖြင့် စတင်ရိုက်ရာမှ ဓားဖြင့် ခုတ်ခံရခြင်းဖြစ်သည် ဟု စိုင်းဖ က ပြောသည်။
“ စိတ်မနှံ့သူ ကို သူ( စိုင်းကျော်အေး) က ဘာသွားစပြောလဲမသိဘူး။ အိမ်နီးချင်းတွေကတော့ သူ( စိုင်းကျော်အေး) က အရူးကို တုတ်နဲ့သွားရိုက်လို့ပြောတာပဲ။ ဆေးကြောင်ပြီး ရူးတာတော့မဟုတ်ဘူး” ဟု စိုင်းဖ က ပြောပြသည်။
လက်ရှိ မှာ စိုင်းကျော်အေး သည် လားရှိုးမြို့ ပြည်သူ့ဆေးရုံတွင် ဆေးကုသခံနေရကြောင်းသိရသည်။
Leave a Comments