သျှမ်းပြည် တောင်ပိုင်း တောင်ကြီးခရိုင် အတွင်း ဘိန်းခင်း ဧက ၉၀၀ ကျော် ဖျက်ဆီး ခဲ့ကြောင်း သတင်းရရှိသည်။
အောက်တိုဘာ ၂၉ ရက်မှ ဒီဇင်ဘာ ၁ ရက် ထိ ဖယ်ခုံမြို့နယ် အနီးတွင် ဧက ၃၁၂ နှင့် ပင်လောင်းမြို့နယ် အတွင်း ဘိန်းခင်း ဧက ၆၄၂ ဧက တို့ကို ဖျက်ဆီးခဲ့ကြောင်း မူးယစ်ရဲတပ်ဖွဲ့ ထုတ်ပြန်ချက် အရ သိရသည်။
ဘိန်းခင်းများ သွားရောက်ဖျက်ဆီးရာတွင် တပ်မတော်သားများ၊ ဌာနဆိုင်ရာ ဝန်ထမ်းများ၊ မူးယစ်ဆေးဝါး တားဆီး နှိမ်နင်းရေး ရဲတပ်ဖွဲ့ နှင့် ကျေးရွာများ ပူးပေါင်းပါဝင်ခဲ့ကြောင်း ထုတ်ပြန်ချက်တွင် ရေးသားထားသည်။
သျှမ်းပြည် အတွင်း ဘိန်းခင်း စိုက်ပျိုးသည့်ဒေသများမှာ သျှမ်းတောင်တွင် ဖယ်ခုံ၊ ပင်လောင်း နှင့် ဟိုပုံး မြို့နယ် တွင် အများဆုံးရှိကြောင်း သိရသည်။
မြန်မာ နိုင်ငံ တွင် ကချင်၊ ရှမ်း၊ ချင်းနှင့် ကယားပြည်နယ် တို့တွင် ကုလသမဂ္ဂ မူးယစ်ဆေးဝါး နှင့် ရာဇဝတ်ဆိုင်ရာရုံး ( UNODC) နှင့် ပူးပေါင်း ကာ ဘိန်းအစားထိုးသီးနှံ စိုက်ပျိုးရေး စီမံကိန်း လုပ်ဆောင်လျက်ရှိသည်။
Leave a Comments