အပစ်ရပ်ကာလ ကုန်ပြီး ၂ ရက် အကြာ မြန်မာ့တပ်မတော်နှင့် RCSS ထိတွေ့မှု ဖြစ်

0

သျှမ်းပြည်နယ် တောင်ပိုင်း မိုင်းကိုင်မြို့နယ် အတွင်း   မြန်မာ့တပ်မတော်နှင့် သျှမ်းတပ်မတော်(RCSS/SSA) တို့ ထိတွေ့မှု ဖြစ်ပွားခဲ့ကြောင်း သတင်းရရှိခဲ့သည်။

Photo by Tai Freedom/facebook

မြန်မာ့တပ်မတော်၏ အပစ်ရပ်ကာလ ကုန်ပြီး ၂ ရက် အကြာ တွင် မြန်မာ့တပ်မတော် စစ်ကြောင်း နှင့် အပစ်ခတ်ရပ်စဲရေးသဘောတူ စာချုပ်လက်မှတ်ထိုးထားသည့် သျှမ်းတပ်မတော်  RCSS/SSA တို့  စက်တင်ဘာလ ၂၃ ရက် ယမန်နေ့က  ၁၅ မိနစ်ကြာ ထိတွေ့မှု ဖြစ်ပွားခဲ့ကြောင်း RCSS/SSA မှ ပြောရေးဆိုခွင့်ရှိသူ ဒုတိယ ဗိုလ်မှူးကြီး စိုင်းဦးက ပြောသည်။

“ မနေ့က လွိုင်လမ် ကျေးရွာ နားမှာ တပ်မတော်နဲ့ ကျနော်တို့ ထိတွေ့မှုတွေဖြစ်ခဲ့ပါတယ်။ မြန်မာ့တပ်မတော်ဘက်က ကျနော်တို့ကို အကြောင်းမကြားဘဲတက်လာတော့   ထိတွေ့မှု ဖြစ်တာပါ။ ၁၅မိနစ်ပါပဲ” ဟု ဒု ဗိုလ်မှူးကြီး စိုင်းဦး က ဆိုသည်။

မြန်မာ့တပ်မတော် နှင့် RCSS/SSA ဖြစ်ပွားသည့် ထိတွေ့မှု တိုက်ပွဲသည် အသေးစား တိုက်ပွဲဖြစ်ကာ နှစ်ဖက် တပ်သားထိခိုက်မှုမရှိကြောင်း၊ ယခုနှစ်အတွင်း မြန်မာ့တပ်မတော်နှင့် RCSS/SSA တို့ကြား မကြာခဏ ဖြစ်ပွါးသော ထိတွေ့မှု များသည်  အသေးစားတိုက်ပွဲများသာ ဖြစ်ကြောင်း သိရသည်။

မြန်မာ့တပ်မတော် သည် စစ်တိုင်း ၅ ခု တွင် တဖတ်သက် အပစ်ရပ်ရေးကို ၂၀၁၈  ဒီဇင်ဘာလကစပြီး ၂၀၁၉ ခုနှစ် စက်တင်ဘာ ၂၁ ရက်နေ့ထိ ပြုလုပ်ခဲ့သည်။

စက်တင်ဘာ ၂၁ ရက်နောက်ပိုင်း စစ်ဆင်ရေး လှုပ်ရှားမှု  ရပ်ဆိုင်းကြောင်းထပ်မံကြေငြာခြင်းမရှိခဲ့ပေ။

 

ဢုပ်ႇဢူဝ်း ၽူႈတွႆႇႁွၵ်ႈ

SHARE