ဒေသဖွံ့ဖြိုးရေးအတွက် ပြည်သူ့စကားဝိုင်းတရပ် လားရှိုးတွင်ပြုလုပ်

0

သျှမ်းပြည်မြောက်ပိုင်း လားရှိုးမြို့နယ်တွင် ဒေသဖွံ့ဖြိုးရေးလုပ်ငန်းများအတွက် ဒေသခံလူထု လွှတ်တော် ကိုယ်စားလှယ်နှင့်အစိုးရ၏ဌာနဆိုင်ရာဝန်ထမ်းများ စကားဝိုင်းတရပ်ပြုလုပ်ခဲ့ကြောင်းသိရသည်။

Photo Credit to – MP SaiOne Leng Kham- လားရှိုးမြို့နယ်တွင် ဒေသဖွံ့ဖြိုးရေးလုပ်ငန်းများအတွက် ဒေသခံလူထု လွှတ်တော် ကိုယ်စားလှယ်နှင့်အစိုးရ၏ဌာနဆိုင်ရာဝန်ထမ်းများ စကားဝိုင်းတရပ် ဇွန်လ ၁၅ ရက်နေ့က ပြုလုပ်

ဇွန်လ ၁၅ ရက်နေ့က လားရှိုးမြို့ ပုန်းထွန်ရွာရှိ ဘုန်းကြီးကျောင်းတွင်အဆိုပါစကားဝိုင်းပြုလုပ်ခဲ့ခြင်းဖြစ်ရာ တက်ရောက်သူ ၂၀၀ ခန့်ရှိကြောင်း သိရပါသည်။

အမျိုးသားလွှတ်တော်ကိုယ်စားလှယ်မှ စကားဝိုင်းပြုလုပ်ရခြင်းရည်ရွယ်ချက်နှင့် အဖွင့်မိန့်ခွန်းပြောကြားခဲ့ပြီး လားရှိုးမြို့နယ်အုပ်ချုပ်ရေးမှူးကလည်း ဒေသတွင်းဖွံ့ဖြိုးရေးလုပ်ငန်းများကိုရှင်းလင်းပြောကြားခဲ့သည်။

ပုန်းထွန်အုပ်စုအတွင်းရှိ နမ့်ကတ်းရွာ၊ ပါဆာရွာ၊ နမ့်လူးခ်ရွာ တို့မှရွာသားများက -“ ပြောင်းခြံများပိုးဖျက်ခံ နေရသည့်ကိစ္စ၊ သစ်ပင်စိုက်ပျိုးမည့်နေရာကိစ္စ၊ လမ်းများချဲ့ဖောက်ပေးမည့်ကိစ္စ၊ အစိုးရစာသင်ကျောင်းများတွင် အဘက်ဘက် ပြည့်စုံမှုမရှိသေးသည့်ကိစ္စ၊ လျှပ်စစ်မီးကိစ္စနှင့် အိမ်ထောင်စုစရင်းကိစ္စ၊ လယ်ယာမြေများအား ပုံစံ ရ လုပ်ပေးရေးကိစ္စများ အစိုးရဘက်မှမည်သို့ ဖြည့်ဆည်းဆောင်ရွက်ပေးနိုင်မည့်အကြောင်း” – တင်ပြဆွေးနွေးခဲ့ ကြောင်းသိရသည်။

Photo Credit to – MP SaiOne Leng Kham- လားရှိုးမြို့နယ်တွင် ဒေသဖွံ့ဖြိုးရေးလုပ်ငန်းများအတွက် ဒေသခံလူထု လွှတ်တော် ကိုယ်စားလှယ်နှင့်အစိုးရ၏ဌာနဆိုင်ရာဝန်ထမ်းများ စကားဝိုင်းတရပ် ဇွန်လ ၁၅ ရက်နေ့က ပြုလုပ်

စိုင်းဝမ်းလျန်းခမ်းက- “ဒီပြသနာတွေကို တခုချင်းစီလည်း သက်ဆိုင်ရာအာဏာပိုင်တွေကဖြေပေးသွားပါတယ်။ ပြောင်းတွေပိုးကျနေတဲ့ကိစ္စနဲ့ပတ်သက်ပြီး ဇွန်လ ၁၆ ရက်နေ့မှာ တာဝန်ရှိတွေကွင်းဆင်းကြည့်ရှုမယ်၊ သစ်ပင် စိုက်ဖို့အတွက်ကလည်း ဒီ ၂ ပတ်အတွင်းမှာ တာဝန်ရှိသူတွေကွင်းဆင်းပြီး လယ်ယာမြေတွေကို တိုင်းတာပေး မယ်။ ပုံစံ ရ လုပ်ဖို့အတွက်ကျတော့ အမြန်ဆုံးလုပ်ပေးနိုင်အောင်စီစဉ်ပေးမယ်။ လမ်းတိုးချဲ့ဖို့တို့ လျှပ်စစ်မီးတို့ အတွက်ကျတော့ ဒါလည်းကွင်းဆင်းပြီးတော့ ကြည့်ရှုစစ်ဆေးမယ်လို့ဖြေသွားပါတယ်။”- ဟု သျှမ်းသံတော် ဆင့်အားပြောသည်။

အိမ်ထောင်စုစာရင်း နှင့် မှတ်ပုံတင်လုပ်ဆောင်ရန်ခက်ခဲနေသော ဂေါ်ရခါးမိသားစုဝင်များအား တစ်လ တစ်ကြိမ် လဝက ရုံးသို့ လာရောက်ဆွေးနွေးကြရန်နှင့် ပုန်းထွန်အုပ်စုမှဒေသခံများအတွက်မူ One Stop Shop OSS တွင်အမြန်ဆုံးဆောင်ရွက်ပေးရန်စီစဉ်ထားပြီးဖြစ်ကြောင်းလည်းသိရသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE