သျှမ်းပြည်မြောက်ပိုင်းသီပေါမြို့သို့ရောက်ရှိခိုလှုံနေကြသော ကျေးလက်မှစစ်ဘေးရှောင်များအနက် နောက်ဆုံးကျန်ရှိနေသေးသော ရ၀ နီးပါးမှာ စစ်ရေးအခြေအနေငြိမ်သက်ပါက နေရပ်ပြန်တော့ မည်ဖြစ်ကြောင်းသိရသည်။

သီပေါမြို့နားလွယ်ရွာရှိ ဦးလုံးလှဖွန်းဂိုဒေါင်တွင်ခိုလှုံနေသော စစ်ဘေးရှောင် ၆၉ ဦးအနက် ၁၈ ဦးမှာ ဧပြီလ ၆ ရက်နေ့ မနက်ပိုင်းက နေရပ်သို့ပြန်သွားကြပြီး အခြေအနေကြည့်ရှုနေကြောင်းသိရသည်။

စစ်ဘေးရှောင်များကူညီရေးကော်မတီဝင်တဦးက – “တခြားစခန်းကစစ်ရှောင်တွေတော့နေရပ်ကိုအသီးသီးပြန်သွားကြပြီ။ ဦးလုံးလှဖွန်းဂိုဒေါင်ကကျန်နေတဲ့ ၆၉ ယောက်လည်း ၂၀ လောက်က မနေ့ကပြန်သွားကြတယ်။ အခြေအနေကောင်းရင် ဒီ ၁ ရက် ၂ ရက်အတွင်းကျန်တဲ့စစ်ရှောင်တွေပြန်ရဖွယ်ရှိပါတယ် ” – ဟုသျှမ်းသံတော်ဆင့်အားပြောသည်။

လက်ရှိဦးလုံးလှဖွန်းဂိုဒေါင်တွင်ကျန်နေသူများမှာ သီပေါမြို့နယ် ကွန်းဆော့အုပ်စု လွယ်မောက်ရွာမှ ရွာသားများဖြစ်ကြပြီး ၄င်းတို့သည် မတ်လဆန်းပိုင်းက ရောက်ရှိစစ်ဘေးခိုလှုံလာခဲ့ကြဖြစ်ကြောင်းလည်းသိရပါသည်။