တပ်မတော်ညှိနှိုင်းဆွေးနွေးရေးအဖွဲ့နှင့် RCSS/SSA ကိုယ်စားလှယ်များတွေ့ဆုံ

0

တပ်မတော်ညှိနှိုင်းဆွေးနွေးရေးအဖွဲ့နှင့် သျှမ်းပြည်ပြန်လည်ထူထောင်ရေးကောင်စီ သျှမ်းပြည် တပ်မတော် RCSS/SSA ကိုယ်စားလှယ်အဖွဲ့တို့ တွေ့ဆုံရာ သျှမ်းပြည်မြောက်ပိုင်း တွင်ဖြစ်ပွါး နေသော ကိစ္စရပ်များအပြင်တခြားအချက်အလက်များဆွေးနွေးခဲ့ကြောင်းသိရသည်။

Photo Credit to cincds /တပ်မတော်ညှိနှိုင်းဆွေးနွေးရေးအဖွဲ့နှင့် RCSS/SSA ကိုယ်စားလှယ်များတွေ့ဆုံ

မတ်လ ၁၂ ရက်နေ့က နေပြည်တော်တိုင်းစစ်ဌာနချုပ်၊ ပေါင်းလောင်းရိပ်သာ၌ တွေ့ဆုံခဲ့ကြခြင်း ဖြစ်ကြောင်းသိရသည်။

ထိုသို့တွေ့ဆုံရာတွင် တပ်မတော်၊ RCSS/SSA နှင့် SSPP/SSA အဖွဲ့တို့ သုံးပွင့်ဆိုင် ဆွေးနွေးရေး ဆိုင်ရာ ကိစ္စရပ်များ၊ သျှမ်းပြည်နယ် (မြောက်ပိုင်း)တွင် ဖြစ်ပွားနေသော တိုက်ပွဲများ လျှော့ချရေးနှင့် ပဋိပက္ခဖြစ်စဉ်များ လျှော့ချနိုင်ရေး ဆိုင်ရာ ကိစ္စရပ်များ၊ တိုက်ပွဲရှောင် ပြည်သူလူထု (IDP) များနေရပ် ပြန်ပို့ရေး ဆိုင်ရာ ကိစ္စရပ်များ၊ NCA လမ်းကြောင်း အကောင်အထည်ဖော်မှုတွင် နားလည်မှု လွဲမှားနေသည့် သဘောထား အမြင်များအား လိုအပ် ချက် အပေါ်မူတည်ပြီး တွေ့ဆုံဆွေးနွေးရေး ဆိုင်ရာ ကိစ္စရပ်များနှင့် အရေးပေါ် ဆက်သွယ် နိုင်သည့် လမ်းကြောင်း သတ်မှတ် ဆောင်ရွက်ရေး တို့ဆွေးနွေးခဲ့ကြကြောင်း တပ်မတော်သတင်းမှန်နှင့်ပြန်ကြားရေးက ထုတ်ပြန်ထားသည်။

၄င်းနှင့်ပတ်သက်ပြီးမေးမြန်းရန် RCSS/SSA ထံဆက်သွယ်သော်လည်း ဆက်သွယ်မရခဲ့ပေ။

အဆိုပါတွေ့ဆုံပွဲသို့ သျှမ်းပြည် ပြန်လည် ထူထောင်ရေးကောင် စီ (RCSS) ငြိမ်းချမ်းရေး ဆွေးနွေးရေး ကိုယ်စားလှယ်အဖွဲ့မှ ဗိုလ်ချုပ်ဘောင်ခေး ဦးဆောင်သော ကိုယ်စားလှယ်များနှင့် တပ်မတော်ညှိနှိုင်း ဆွေးနွေးရေးအဖွဲ့ ဥက္ကဋ္ဌ ဒုတိယ ဗိုလ်ချုပ်ကြီး ရာပြည့်၊ ကာကွယ်ရေး ဦးစီး ချုပ်ရုံး (ကြည်း)မှ တပ်မတော် အရာရှိကြီးများနှင့် အရှေ့အလယ်ပိုင်းတိုင်း စစ်ဌာနချုပ် တိုင်းမှူးတို့ တက်ရောက်ဆွေးနွေးကြသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here