NRPC နှင့် RCSS/SSA တို့နေပြည်တော်တွင် ခေါင်းစဉ်ကြီး ၇ ခု ဆွေးနွေး

0

အစိုးရ၏ ငြိမ်းချမ်းရေးနှင့်အမျိုးသားပြန်လည်သင့်မြတ်ရေးဗဟိုဌာန NRPC နှင့် သျှမ်းပြည်ပြန်လည် ထူထောင်ရေးကောင်စီ RCSS/SSA ကိုယ်စားလှယ်တို့ နေပြည်တော်တွင် တွေ့ဆုံဆွေးနွေးရာ အဓိက ခေါင်းစဉ်ကြီး ၇  ခုအားဆွေးနွေးခဲ့ကြကြောင်းသိရသည်။

Photo NRPC/ မတ်လ ၁၁ ရက်နေ့က NRPC နှင့် RCSS/SSA တို့နေပြည်တော်တွင် ဆွေးနွေး

မတ်လ ၁၁ ရက်နေ့က ပြုလုပ်သော တွေ့ဆုံပွဲတွင် အဓိက မူးယစ်ဆေးဝါးတိုက်ဖျက်ရေးနှင့် ပတ်သက် သောခေါင်းစဉ်နှင့် RCSS/SSA နှင့်ပတ်သက်သည်ဟုဆိုကာ စစ်တပ်နှင့် ရဲတို့မှ ဖမ်းဆီးထားသောလူထု အားပြန်လွှတ်ပေးရန်အစရှိခေါင်းစဉ်များပါ၀င်ကြောင်း RCSS/SSA ၏ အတွင်းရေးမှူး ၂ ဗိုလ်မှူးကြီးစိုင်းငင်းက သျှမ်းသံတော်ဆင့်အား ပြောသည်။

“အရေးကြီးဆုံးအချက် ကတော့ မူးယစ်ဆေးဝါးနဲ့ပတ်သက်ပြီး အဓိကဆွေးနွေးဖြစ်ခဲ့ပါတယ်။ ဘယ်လိုလက် တွဲပြီးတော့ ရှင်းလင်းသွားမလဲပေါ့နော်။ ကျနော်တို့ လက်မှတ်ရေးထိုးခဲ့တဲ့ ၃ ကြိမ်စလုံးမှာရော ဦးအောင်မင်း တို့နဲ့ဆွေးနွေးခဲ့တဲ့အကြိမ်တိုင်းမှာရောအဲဒီအတွက်ဆွေးနွေးခဲ့ပေမယ့် ဒီဟာတွေကိုခုထိအကောင်အထည် မဖော်နိုင်သေးတော့ ဒါကိုဆွေးနွေးရတာဖြစ်ပါတယ်” – ဟု ဗိုလ်မှူးကြီးစိုင်းငင်း က ပြောသည်။

အဆိုပါ အချက် ၇ ချက်မှာ – ကျင်းပပြီးစီးသွားသည့် တတိယအကြိမ် ၂၁ ရာစု ပင်လုံညီလာခံ သဘော တူညီ ချက်ဆိုင်ရာ အကောင်အထည်ဖေါ်ရေးကိစ္စ၊ ဖမ်းဆီးခံရသည့် အပစ်ရပ်အဖွဲ့ဝင် တွေပြန်လွတ်ပေးဖို့ကိစ္စ၊ လူထုနှင့် အမျိုးသားအဆင့်နိုင်ငံရေးဆွေးပွဲပြုလုပ်နိုင်ရေးကိစ္စ၊ ဒေသဖွံ့ဖြိုးဆိုင်ရာကိစ္စ၊ တတိုင်းပြည်လုံးအဆင့် တိုက်ပွဲရပ်တန့်ပြီး စစ်ဘေးရှောင်များ နေရပ်ပြန်နိုင်ရေးကိစ္စ၊ စတုထ္ထအကြိမ် ၂၁ ရာစု ပင်လုံညီလာခံ ကိစ္စ နှင့် မူးယစ်ဆေးဝါးပူးပေါင်းတိုက်ဖျက်ရေးဆိုင်ရာ ကိစ္စရပ်များ ဆွေးကြသည်ဟုဆိုသည်။

အဆိုပါတွေ့ဆုံပွဲတွင် NRPC ဒုတိယဥက္ကဋ္ဌ ဒေါက်တာ တင်မျိုးဝင်း ဦးဆောင်သည့်အဖွဲ့နှင့် RCSS/SSA က ငြိမ်းချမ်းရေးဆွေးနွေးရေး ကိုယ်စားလှယ် အဖွဲ့ခေါင်းဆောင် ဗိုလ်ချုပ် ဘောင်ခေး တို့ဦးဆောင်သည့် ကိုယ်စား လှယ်အဖွဲ့တို့ပါ၀င်ကြောင်း သိရသည်။

၂၀၁၈ အောက်တိုဘာ တွေ့ဆုံမှု တွေ့ဆုံမှုနောက်ပိုင်း ကရင်အမျိုးသားအစည်းအရုံး KNU နှင့် သျှမ်းပြည်ပြန် လည်ထူထောင်ရေးကောင်စီ RCSS တို့ နေပြည်တော်အစိုးရ နှင့် တပ်မတော် တို့နှင့် တရားဝင်တွေ့ဆုံမှုများ အားလုံးရပ်နားထားပြီး အလွှတ်သဘောသာတွေ့ဆုံရာမှ တရားဝင်တွေ့ဆုံမှုကဲ့သို့သော ယခုတွေ့ဆုံမှုသည် ပထမ ဆုံးဖြစ်သည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here