TNLA ဖမ်းဆီးသွားသည့် သျှမ်းပြည်မြောက်ပိုင်း နမ့်ခမ်းမြို့သူ နန်းမိုဟွမ် ကိစ ပြည်ထောင်စုလွှတ်တော် သို့ ရောက်ရှိရန် သျှမ်းပြည်နယ်လွှတ်တော်အမတ် ၅၆ ဦးက လက်မှတ်ရေးထိုးထောက်ခံ သည်ဟုသိရ သည်။

ဒုတိယအကြိမ် သျှမ်းပြည်နယ်လွှတ်တော် ၁၁ ကြိမ်မြောက်ပုံမှန်အစည်းအဝေး ရ ရက်မြောက်နေ့ စက်တင်ဘာလ ၂၅ ရက်နေ့တွင် မိုင်းရှူးမြို့နယ် ပြည်နယ်လွှတ်တော်ကိုယ်စားလှယ် စိုင်းလင်းမြတ်က အစည်းအဝေး တက်ရောက်သူ လွှတ်တော်ကိုယ်စားလှယ် များထံ လက်မှတ်ကောက်ခံခြင်းဖြစ်ကြောင်း၊ တက်ရောက်သူလွှတ်တော်အမတ် ၁၁၇ ဦး အနက် ၅၇ ဦး က ထောက်ခံကြောင်း လက်မှတ်ရေးထိုးခဲ့ ကြောင်း၊ အဆိုပါလက်မှတ်များအား သျှမ်းပြည်နယ်လွှတ်တော်ဥက္ကဌ ထံသို့တင်ပြခဲဲ့ပြီးဖြစ်ကြောင်း သိရသည်။

“ကျနော်တို့ဒီလိုလုပ်ရတဲ့ ရည်ရွယ်ချက်ကတော့ သျှမ်းပြည်သားတွေဘဝ လုံခြုံမှုရှိဖို့အတွက်ဖြစ်တယ်။ နန်းမိုဟွမ်ကလည်း သျှမ်းပြည်လူထုတယောက်ဖြစ်တဲ့အတွက် ဘေးမသီရန်မခ ဘဲ အမြန်ဆုံးပြန်လည် လွှတ်မြောက်လာ အောင်ဆိုပြီးရည်ရွယ်ပါတယ် ” – ဟု မိုင်းရှူးမြို့နယ် ပြည်နယ်လွှတ်တော်အမတ် စိုင်းလင်းမြတ် က သျှမ်းသံတော်ဆင့်အားပြောသည်။

ကလေး ၃ ယောက်၏ မိခင်၊ နမ့်ခမ်းဒေသခံ သာမာန်အရပ်သူ နန်းမိုဟွမ်အား တအာင်းတပ်ဖွဲ ့TNLA မှ သြဂုတ်လ ၁၇ ရက်နေ့က နေအိမ်အထိ၀င်ရောက်ဖမ်းဆီးသွားခဲ့ရာ ယနေ့တိုင် ဆွေမျိုးမိဘများနှင့် ဆက်သွယ်ခွင့်မပေးခဲ့ပေ။
“ကျမတို့ သျှမ်းပြည်သားတယောက်အနေနဲ့ နန်းမိုဟွမ်ပြန်လွှတ်မြောက်ရေးအတွက် တောင်းဆိုဖို့ တာဝန်ရှိ တယ်။ ဒါကြောင့်လက်မှတ်ရေးထိုးလိုက်တယ်။ အဆင့်ဆင့်အထက်ကိုတင်ပြီးတော့ ဆက်လက်လုပ်ဆောင် ပေးရမှာက သျှမ်းပြည်နယ်အစိုးရ ဖြစ်တယ်။” – ဟု သန္နီ မြို့နယ် ပြည်နယ်လွှတ်တော်အမတ် နန်းခင်ထား ရီက သျှမ်းသံတော်ဆင့်အားပြောသည်။

နန်းမိုဟွမ်ပြန်လည်လွှတ်မြောက်ရေးအတွက်ကူညီဆောင်ရွက်ပေးရန်နှင့်ပတ်သက်သည့်အဆိုကို မိုင်းရှူးမြို့နယ် လွှတ်တော်ကိုယ်စားလှယ် စိုင်းလင်းမြတ်က စက်တင်ဘာလ ၁၉ ရက်နေ့က လွှတ်တော် အစည်းအဝေးအတွင်းတင်သွင်းရန်ကြိုးစားစဉ် လွှတ်တော်ဥက္ကဌကြီးက လက်မခံဘဲ ကိုယ်စားလှယ်များ ထောက်ခံမှုဖြင့် ပြည်ထောင်စုလွှတ်တော်ထံ တင်ပြသွားမည်ဟုဆိုသည်။

နန်းမိုဟွမ်တို့အိမ်ဆိုင်အတွက် ၂၀၁၆ တွင် ကျပ်ငွေ ၃ သိန်း၊ ၂၀၁၇ တွင် ကျပ်ငွေ ၁၁ သိန်း အား TNLA မှ ကောက်ခံခဲ့ကြောင်း၊ ၂၀၁၇ ခု နှစ်အတွင်း အခွန်ကောက်ခံပြီးအပြန် TNLA တပ်သား ၂ ဦးသည် အစိုးရတပ်၏ ချောင်းမြောင်းပစ်ခတ်ခံရကာ တဦးသေ တဦးအရှင်ဖမ်းခံရသဖြင့် နန်းမိုဟွမ်မှ သတင်းပေးမှုကြောင့်ဟု စွပ်စွဲကာ ၀င်ရောက်ဖမ်းဆီးခဲ့သည်ဟု ၄င်းတို့၏ ထုတ်ပြန်ချက်များအရ သိရသည်။

ထို့အပြင် နန်းမိုဟွမ်အားလည်း ငွေဒဏ်အပြင် ထောင်ဒဏ် ၁၀ အထိ ကျခံဖွယ်ရှိသည့် ရာဇဓတ်ကြီးပုဒ်မ ၃၃၃ ဖြင့် TNLA မှ အရေးယူမည်ဟုလည်း ကြေငြာထားသည်။