အောင်ပန်းမြို့ဟာ စိုက်ပျိုးရေး ၊ပွဲစားမြို့တော်လို့ လူသိများတဲ့မြို့ဖြစ်ပြီး၊ နေ့စဉ်နဲ့အမျှ ရာသီသီနှံတွေ ကုန်စိမ်းတွေ ကို မြန်မာပြည်တဝှမ်းပို့ဆောင်ရန် အတွက် အလွန်စည်းကားတဲ့မြို့တခုဖြစ်ပါတယ်။

လူမျိုးစုံ၊ ဒေသစုံကလာရောက်ပြီး ဝမ်းရေးရှာဖွေ စားသောက်တဲ့နယ်မြေလည်းဖြစ်ပါတယ်။ 

စစ်အာဏာမသိမ်းခင်မှာတော့ ရာသီဉတု နဲ့ သန့်ရှင်းလတ်ဆတ်တဲ့ သီးနှံ တွေရရှိတဲ့အတွက် အလွန်နေချင်စဖွယ်ကောင်းတဲ့မြို့ဖြစ်ပါတယ်။ ဒါပေမယ့် စစ်အာဏာသိမ်းပြီး ၅နှစ်ကျော်ကာလမှာတော့ အောင်ပန်းမြို့ဟာ အနှိပ်ခန်းတွေ၊ ပြည့်တန်ဆာခန်းတွေနဲ့ KTVတွေ၊ နောက် Hi ခန်းလို့ခေါ်ဝေါ်တဲ့ မူးယစ်ဆေးသုံးစွဲလို့ရတဲ့ အခန်းတွေကို ပေါ်တင်ဖွင့်လှစ်လာခဲ့ပါတယ်။ 

အဆိုးဆုံးအရာကတော့ KTV တွေမှာ HIခန်းတွေ လိုခေါ်တဲ့ မူးယစ်ဆေးသုံးစွဲပြီး DJ ဖွင့်ကာ အော်ဟစ် ဆူညံကခုန် နေတဲ့အသံတွေက အောင်ပန်းမြို့ကို ရုပ်ဆိုးအကျဉ်းတန်မှုကို ဖြစ်ပေါ်စေသလို ရပ်ကွက်နေ ပြည်သူတွေ ကိုလည်း စိတ်အနှောက်အယှက်ဖြစ်စေပါတယ်။

အောင်ပန်းမြို့ လှည်းရိုးရပ်ကွက်ထဲမှာဆို KTV နှင့် စားသောက်ဆိုင်အမည်ခံ ပြည့်တန်ဆာခန်းတွေမှာလည်း  လူခြေတိတ် ညသန်းခေါင်ယံအချိန်တွေဆိုရင်  လူဝင်၊ လူထွက်များပြားပြီး အော်ဟစ်ဆူညံသံ၊ ရန်ဖြစ်သံတွေကြောင့် ရပ်ကွက်နေ ပြည်သူက ကောင်းမွန်စွာ အိပ်စက်အနားမယူရပါဘူး။

အောင်ပန်းမြို့မှာ နေထိုင်သူအများစုက စိုက်ပျိုးရေးလုပ်ငန်း၊ ရာသီသီးနှံ ပွဲရုံလုပ်ငန်း၊ ကုန်စိမ်းပွဲစားများ လုပ်ကိုင်သူတွေ နေထိုင်တဲ့မြို့ဖြစ်တဲ့အတွက် မနက် မိုးမလင်းခင် အိပ်ယာထ လုပ်ငန်းခွင် ဝင်ရသူတွေဖြစ်ကြပါတယ်။ 

ဒါ့ကြောင့် လာဘ်ယူပြီး ဖွင့်လှစ်ထားတဲ့ KTV တွေရဲ့ Hiမှာ မူးယစ်ဆေးဝါးသုံးစွဲနေတဲ့ကိစ္စ၊ စားသောက်ဆိုင် အမည်ခံ ပြည့်တန်ဆာခန်းတွေ ကိစ္စကို ထိရောက်စွာ အရေးယူ၊ဖယ်ရှားပေးဖို့ အောင်ပန်းမြို့ ရပ်ကွက်နေပြည်သူတွေက ကလောမြို့နယ် လွှတ်တော်ကိုယ်စားလှယ်ထံ စာတင်ဖို့ ဆွေးနွေးနေကြပါတယ်။ 

ကျနော်တို့ အောင်ပန်းမြို့နယ်က ဖြစ်ပျက်နေတဲ့ ကိစ္စမျိုးဖြစ်တဲ့ ယစ်မျိုးလိုင်စင်ကိစ္စတွေ ၊ တရားမဝင်ရောင်ချနေမှုတွေကို လွှတ်တော်မှာ လွှတ်တော်ကိုယ်စားလှယ်တွေ မေးခွန်းမေးခဲ့ဖူးတာကိုလည်း တွေ့မြင် ကြားခဲ့ရပါတယ်။ 

ကျနော်မှတ်မိသလောက် အဲ့အချိန်တုန်းက ပြည်ထဲရေးဝန်ကြီးလာဖြေသွားတာက “ယစ်မျိုးလိုင်စင်နှင့် ပတ်သက်ပြီး တရားမဝင်ရောင်းချနေမူအား စီမံချက်ဆွဲ အရေးယူမူတွေ့ဆောင်ရွက်နေတယ်။ တရားမဝင် ရောင်းချနေမူကို တိုင်ကြားရင် တိတိကျကျတိုင်ကြားမှာသာ စိစစ်အရေးယူ ဆောင်ရွက်ပေးသွားမယ်လို့ ဖြေကြားထားတာတွေ့ရပါတယ်”

ဒါ့ကြောင့်  ကျနော်တို့ ရပ်ကွက်ထဲက KTV တွေ့ကို လိုင်စင်၊ယစ်မျိုးလိုင်စင်၊တရားဝင်ဖွင့်ခွင့်ပေးထားတဲ့ဆိုင် ဟုတ်၊မဟုတ် သက်ဆိုင်ရာက ထိထိရောက်ရောက်စစ်ဆေးပေးစေလိုပါတယ်။ 

 တိတိကျကျတိုင်ဖို့ ပြောထားတဲ့အတွက် ပြည်ထဲရေးဝန်ကြီးဆီကိုလည်း ဆိုင်နာမည်တွေနှင့်တကွ တိုင်ဖို့လည်း ကျနော်တို့ စီစဉ်နေပါတယ်။ 

လွန်ခဲ့တဲ့ လပိုင်းတုန်းကလည်း ကျနော်တို့ ရပ်ကွက်နေ ပြည်သူတွေက အောင်ပန်းမြို့အုပ်ချုပ်ရေးမှူးရုံးကို တိုင်ထားသော်လည်း အရေးယူဆောင်ရွက်ခြင်း မရှိတဲ့အတွက် အခုလို့ ထပ်မံတိုင်ကြားသွားမည်လို့ ဆုံးဖြတ်လိုက်တာပါ။ 

ကျနော်တို့ လက်လှမ်းမီ ကောက်ယူထားတဲ့ အောင်ပန်းမြို့ပေါ်ရှိ KTV ဆိုင်တွေကတော့ –

၁။ The King KTV၂။DJ KTV၃။135 KTV၄။VIP KTV

၅။KKK KTV

၆။Alinkar KTV

၇။ Top Free KTV 

၈။ Royal Flower KTV 

၉။ ရွှေရှမ်းကန် KTV 

၁၀။ ဟာမိုနီ KTV 

၁၁။ ရွှေယမုံ KTV

၁၂။ ငွေစည်းစိမ် ၁) KTV

၁၃။ ငွေစည်းစိမ်(၂)  KTV ဖြစ်ပါတယ်။  

ပြီးခဲ့တဲ့ မတ်လထဲမှာတော့ အောင်ပန်းမြို့ လွယ်မောကျေးရွာအနီးရှိ H2O KTVမှာ Hi ခန်းပြုလုပ်‌နေမူကို ဝင်ရောက်ဖမ်းဆီးအရေးယူထားပါတယ်။

အောင်ပန်းမြို့ ရပ်ကွက်နေပြည်သူကိုယ်စား

ပြည်သူတဉီး