ထိုင်းနိုင်ငံတွင် တစ်ရက်လျှင် အဆုတ်ကင်ဆာလူနာသစ် ၄၈ ဦးနှင့် သေဆုံးသူ ၄၀ ဦးရှိနေပြီး၊ ပြည်သူ သန်းပေါင်းများစွာမှာလည်း အဆိပ်သင့် လေထုညစ်ညမ်းမှုကြောင့် ဖြစ်ပွားသော နောက်ဆက်တွဲ ရောဂါဝေဒနာများကို ခံစားနေရကြောင်း ထိုင်းသတင်းဌာန The Nation တွင်ဖော်ပြထားသည်။

ထိုင်းနိုင်ငံ၏ လေထုညစ်ညမ်းမှု PM 2.5 ပြဿနာသည် ပြည်သူ့ကျန်းမာရေးကို ပြင်းထန်စွာ ခြိမ်းခြောက်လာနေပြီး နောက်ဆက်တွဲဆိုးကျိုးအဖြစ် အဆုတ်ကင်ဆာဖြစ်ပွားမှုတဟုန်ထိုး မြှင့်တက်လာသည့် အခြေအနေနှင့် ရင်ဆိုင်နေရသည်။

ပြည်သူ့ကျန်းမာရေးဝန်ကြီးဌာန၏ အချက်အလက်များအရ ၂၀၂၄ ခုနှစ် တစ်နှစ်တည်းတွင ထိုင်းနိုင်ငံသား ၃ သန်းခန့်သည် PM2.5 နှင့် ဆက်စပ်သော ရောဂါဝေဒနာများကို ခံစားခဲ့ရသည်။ ၎င်းတို့အနက်-

• • နာတာရှည် အဆုတ်အအေးမိရောဂါ: ၄၈၈,၃၇၂ ဦး
• • ရင်ကျပ်ပန်းနာရောဂါ: ၅၉၂,၇၂၁ ဦး
• • မျက်စိနာခြင်း: ၈၆၂,၁၀၆ ဦး
• • ဓာတ်မတည့်ခြင်းကြောင့် အရေပြားရောင်ရမ်းခြင်း: ၅၄၁,၇၉၈ ဦး
• • အင်ပြင်ထွက်ခြင်း: ၄၀၇,၄၀၉ ဦး တို့ ဖြစ်ကြသည်။

ဤကဲ့သို့ ကျန်းမာရေးပြဿနာများသည် လေထုအတွင်းအလွန်သေးငယ်သော အမှုန်များ၊ ဖုန်မှုန့်ပါဝင်မှုများကြောင့် အဓိကဖြစ်ပွားလာခြင်းဖြစ်ပြီး အသက်ရှုလမ်းကြောင်းသာမက မျက်စိနှင့် အရေပြားတို့ကိုပါ ပြင်းပြင်းထန်ထန် ထိခိုက်စေကြောင်း ပြသနေသည်။

အဆုတ်ကင်ဆာ ဖြစ်ပွားမှုအပေါ် စိုးရိမ်ပူပန်လာရခြင်းPM2.5 ဖုန်မှုန့်များကို ရေရှည်ထိတွေ့ခြင်းသည် မျက်စိ၊ နှာခေါင်းနှင့် လည်ချောင်းတို့ကို ယားယံစေရုံသာမက အဆုတ်ကင်ဆာကဲ့သို့ ပြင်းထန်သော ရောဂါများကို ဖြစ်ပွားစေနိုင်ကြောင်း ကျန်းမာရေးပညာရှင်များက သတိပေးထားသည်။

နှစ်စဉ်ကြုံတွေ့လာရသော ဖုန်မှုန့်အကျပ်အတည်းထိုင်းနိုင်ငံ၏ လေထုညစ်ညမ်းမှုပြဿနာမှာ နှစ်စဉ်ဖြစ်ပေါ်နေသော်လည်း အပြီးသတ်ဖြေရှင်းနိုင်ခြင်း မရှိသေးပေ။

၂၀၂၁ ခုနှစ်အတွင်း ထိုင်းပြည်သူ ၇.၇၉ သန်းခန့် လေထုညစ်ညမ်းမှုကြောင့် ကျန်းမာရေးပြဿနာများဖြစ််ပွားခဲ့သည်။

၂၀၂၂ ခုနှစ်မှစ၍ ကျန်းမာရေး ထိခိုက်လာသူအရေအတွက်မှာ တစ်နှစ်လျှင် ပျမ်းမျှ ၁၀ သန်းခန့် ရှိလာပြီး အများဆုံး လူဦးရေ ၁၂.၃၇ သန်းထိ ထိခိုက်မှုရှိလာသည်။

၂၀၂၄ ခုနှစ်အတွင်း နခွန်ရက်ချာစီမာ (Nakhon Ratchasima) ခရိုင်တွင် လူနာပေါင်း ၄၁၀,၀၀၀ ကျော်ဖြင့် အများဆုံးဖြစ်ခဲ့ပြီး၊ နခွန်စီသမ္မရတ် (Nakhon Si Thammarat) တွင် ၃၁၆,၀၀၀ ဦးနှင့် ချင်းမိုင် (Chiang Mai) တွင် ၃၁၀,၀၀၀ ဦး အသီးသီး ရှိခဲ့သည်။

ဤကိန်းဂဏန်းများသည် PM2.5 သည် နိုင်ငံတော်အဆင့် ကျန်းမာရေးခြိမ်းခြောက်မှုတစ်ခု ဖြစ်လာကြောင်း မီးမောင်းထိုးပြနေသည်။ အထူးသဖြင့် မြို့ကြီးများသာမက စိုက်ပျိုးရေး ထွက်ပစ္စည်းများ မီးရှို့ခြင်းမှ ထွက်ရှိသော မီးခိုးများနှင့် လေထုငြိမ်သက်နေခြင်းတို့ကြောင့် ထိခိုက်ရသည့် ပြည်နယ်များတွင် အခြေအနေမှာ ပိုမိုဆိုးရွားလျက်ရှိသည်။

ကိုးကား : The Nation Thailand