ထိုင်းနိုင်ငံမြောက်ပိုင်း ချင်းမိုင်ခရိုင် မယ့်တျန် (Mae Taeng) မြို့နယ်တွင် စိတ်ကြွဆေးပြား ငါးသန်းနှစ်သိန်း (၅,၂၀၀,၀၀၀) ပြားကို လူငယ် ၃ ဦးနှင့်အတူ ဖမ်းဆီးရမိကြောင်း ထိုင်းသတင်းဌာနက ဖော်ပြသည်။

ယမန်နေ့ စက်တင်ဘာလ ၁၇ ရက် နံနက် ၂ နာရီကျော်အချိန်တွင် ချင်းမိုင်ခရိုင် မယ့်တျန် (Mae Taeng) မြို့နယ် ဆုပ်ပိန်း (Sop Peng) ရွာရှိ လမ်းမကြီးပေါ်တွင် ထိုင်းအာဏာပိုင်းများက ချင်းမိုင်နံပါတ်ပြား အဖြူရောင် ပစ်ကပ်ထရပ်ကား ၂ စီးကို ကြားဖြတ်ဖမ်းမိခဲ့ခြင်း ဖြစ်သည်။

အဆိုပါကား ၂ စီးအတွင်း ချင်းတောင်း (Chiang Dao) ခရိုင်မှ အသက် ၂၄ နှစ်ခန့်အရွယ် လူငယ် ၃ ဦးကို ဖမ်းဆီးခဲ့ကြောင်း သိရသည်။

ထိုကား ၂ စီးအနက် တစ်စီးတွင် ကောက်ရိုးအိတ် ၂၆ အိတ်ဖြင့် ထုပ်ပိုးထားသည့် မက်သာဖက်တမင်း စိတ်ကြွဆေးပြား စုစုပေါင်း ငါးသန်းနှစ်သိန်း (၅,၂၀၀,၀၀၀) ပြားကို သိမ်းဆည်းရမိခြင်းဖြစ်ကြောင်း ထိုင်းသတင်းဌာနတွင် ရေးသားဖော်ပြထားသည်။

စစ်ဆေးချက်များအရ ဖမ်းဆီးရမိသည့် စိတ်ကြွဆေးပြားများသည် ထိုင်း-မြန်မာနယ်စပ် ချင်းမိုင်ခရိုင် Wiang Haeng မြို့နယ်မှ သယ်ဆောင်လာခြင်းဖြစ်ကြောင်း သိရသည်။