ထိုင်း-မြန်မာနယ်စပ် တာချီလိတ်မြို့တွင် ယနေ့ (သြဂုတ် ၁၆ )ရက် နံနက်ပိုင်းအချိန်တွင် မယ်ဆိုင်ချောင်းရေလျှံမှုကြောင့် ရေကြီးမှုထပ်မံဖြစ်ပွားနေကြောင်း သတင်းရရှိသည်။

မယ်ဆိုင်ချောင်း၏ ရေအမှတ်မှာ ၄၁၀ စင်တီမီတာသို့ ရောက်ရှိနေပြီး တာချီလိတ်မြို့ တာလော့ရပ်ကွက်၊ ပုန်းထွန်ရပ်ကွက်၊ မဟာဟိုခမ်းရပ်ကွက်၊ ဆန်ဆိုင်း (က) ရပ်ကွက်နှင့် မယ်ခေါင် ရပ်ကွက်များရှိ နေအိမ်များနှင့် လမ်းများအတွင်း ရေများဝင်ရောက်နေကြောင်း သိရသည်။

တာချီလိတ်မြို့သည့် ပြီးခဲ့သည့် ဇူလိုင် ၂၈ ရက်တွင်လည်း မယ်ဆိုင်ချောင်းရေလျှံမှုကြောင့် ရေကြီးရေလျှံမှု ဖြစ်ပွားခဲ့သည်။

ပင်လယ်ရေ မျက်နှာပြင် အမြင့်ပေ ၁,၂၀၀ ကျော်တွင်ရှိသော တာချီလိတ်မြို့တွင် မိုးရွာသွန်းမှုကြောင့် နှစ်စဉ်နှစ်တိုင်း ရေလွှမ်းမိုး ခံရလေ့ရှိသော်လည်း ယခုနောင်ပိုင်းတွင် မြစ်အထက်ပိုင်း ရွေတူးဖော်မှုများကြောင့် ပိုဆိုးရွားလာနေကြောင်း မြို့ခံများက ပြောသည်။

မိုးသဲကြီးမဲကြီး နှစ်နာရီခန့်ရွာချလိုက်လျှင် မယ်ဆိုင်ချောင်းရေသည် ရုတ်တရက် မြင့်တက်လာပြီး မြို့ပေါ်ရှိ ရပ်ကွက်နှင့် နေအိမ်များတွင် ရေများဝင်ရောက်ကာ ရေကြီးလေ့ရှိသည်။