သျှမ်းပြည် မူဆယ်မြို့တွင် အမျိုးသမီးတစ်ဦး ဓားပြတိုက်ခံရပြီး ဓားခုတ်ဒဏ်ရာများဖြင့် သေဆုံးသည့်အထိရှိကြောင်း သတင်းရရှိသည်။
ယနေ့ (ဇူလိုင်လ ၂၆) ရက် မနက် ၉ နာရီဝန်းကျင်တွင် မူဆယ်မြို့ တောင်ပေါ် ဘုရားအနီးတွင် အမျိုးသမီးတစ်ဉီးး၏ ပိုက်ဆံအိတ် ကို အမည်မသိသူက ဓားပြတိုက်ခံရပြီး ဓားဖြင့် အချက်ပေါင်းများစွာ ခုတ်ခဲ့သည်။
ထိုဓားခုတ်ဒဏ်ရာကြောင့် အမျိုးသမီးသည် သွေးထွက်လွန်ကာ သေဆုံးခဲ့ကြောင်း မူဆယ်မြို့ အသက် ၃၀ ဝန်းကျင် အမျိုးသားတစ်ဦးက သျှမ်းသံတော်ဆင့်ကို ပြောသည်။
“ဒီနေ့ မနက်က အမျိုးသမီးတစ်ယောက်က အဲ့ ဘုရားတောင်အနီးမှာ ပိုက်ဆံအိတ်တွေ ဖုန်းတွေ လုခံရတာ။ဓားခုတ်ဒဏ်ရာကြောင့် သွေးထွက်လွန်ပြီးတော့ဆုံးသွားတယ်။” ဟု မူဆယ်မြို့ အသက် ၃၀ ဝန်းကျင် အမျိုးသားတစ်ဦးက ပြောသည်။
ထိုသေဆုံးသွားသည့် အမျိုးသမီးသည် အသက် ၄၀ ဝန်းကျင်ဖြစ်ကြောင်း သိရသည်။
ပြီးခဲ့သည့် ဇူလိုင်လ ၂၄ ရက်တွင်လည်း မူဆယ်မြို့ ဟိုမွန်ရပ်ကွက်တွင် အမျိုးသမီးနှစ်ဦးကို အမည်မသိ လက်နက်ကိုင်မှ သေနတ်ဖြင့် ပစ်ခတ်ခဲ့သဖြင့် ပွဲချင်းပြီး သေဆုံးသွားခဲ့ကြောင် သိရသည်။
မြန်မာ-တရုတ် နယ်စပ်ဒေသဖြစ်သည့် မူဆယ်မြို့တွင် စစ်ကောင်စီလက်အောက်ခံ ပြည်သူ့စစ် အဖွဲ့ (၂၀)ကျော်ထက်မနည်း ရှိပြီး တရားဉပဒေ စိုးမိုးမှု ကင်းမဲ့ပြီး လုယက်မှု၊ ဓားပြမှု နေ့စဉ်ဖြစ်ပွားသည့်ဒေသဖြစ်သည်။
Leave a Comments