‘ဝ’ပြည်သွေးစည်းညီညွတ်ရေးတပ်မတော် (UWSA) ထိန်းချုပ်ရာဒေသ သျှမ်းပြည်အရှေ့ပိုင်း မိုင်းပေါက်မြို့တွင် မိုးသည်းထန်စွာ ရွာသွန်းပြီးနောက် ရေကြီးရေလျှံမှု ဖြစ်ပေါ်ပြီး ရဲအရာရှိ တစ်ဦးသေဆုံးကြောင်း သိရသည်။

ယမန်နေ့ (ဇူလိုင် ၂၂ ရက်) နံနက်အစောပိုင်းမှစပြီး မိုးသည်းထန်စွာ ရွာသွန်းပြီးနောက် မိုင်းပေါက်မြို့တွင် ရေကြီးမှု ဖြစ်ပေါ်ခဲ့ကြောင်း Wa Nation society lifestyle၏ လူမှုကွန်ရက်စာမျက်နှာတွင်ရေးသားထားည်။

သေဆုံးခဲ့သည့် ရဲအရာရှိ ချင်ဟွာသည် ယမန်နေ့ နံနက် ၅ နာရီတွင် Hongwei အမှတ် ၁ တိုက်ခန်းတစ်ခုဘေး၌ ရပ်ထားသော အိမ်စီးကားတစ်စီး ရေနစ်မြုပ်သွားချိန် ကားပေါ်မှပါလာသူများကို ကယ်ဆယ်ရန် ကြိုးပမ်းနေစဉ်တွင် ရေစီးဖြင့် မျောပါသေဆုံးသွားခြင်းဖြစ်ကြောင်း သိရသည်။

အဆိုပါ ရဲအရာရှိတစ်ဦးအပြင် ပိတ်မိနေသူများလည်း ကံမကောင်းစွာဖြင့် သေဆုံးခဲ့ရကြောင်း ဆိုသည်။ သို့သော် ဘယ်နှစ်ဦး သေဆုံးသွားကြောင်း ရေသားဖော်ပြထားသည်။

လက်ရှိတွင် သေဆုံးသူ ရဲအရာရှိ၏အလောင်းကို ကယ်ဆယ်ရေးအဖွဲ့များက ရှာဖွေတွေ့ရှိပြီဖြစ်သော်လည်း ပျောက်ဆုံးနေသော ရုပ်အလာင်းများကို ရှာဖွေနေဆဲဖြစ်ကြောင်း သိရသည်။

မိုင်းပေါက်မြို့သည် ပြီးခဲ့သော ၂၀၂၄ ခုနှစ် စက်တင်ဘာလတွင်လည်း တိုင်ဖွန်းမုန်တိုင်း ယာဂီကြောင့် မိုးအဆက်မပြတ် ရွာသွန်းပြီး တောင်ကျရေများ စီးဆင်းလာမှုကြောင့် မကြုံစဖူး ရေကြီးမှုဒဏ်ကို ခံစားခဲ့ရသည်။

(UWSA) ထိန်းချုပ်ရာ မိုင်းပေါက်ဒေသတွင် မြေရှားသတ္တတူးဖော်မှု အထိန်းအကွပ်မရှိ တိုးချဲ့လာခြင်းကြောင့် ထောင်ပေါင်များစွာသော မြို့နေလူထု၏ ကျန်းမာရေးကို ခြိမ်းခြောက်နေကြောင်း ရှမ်းလူ့အခွင့်အရေးမဏ္ဍိုင် (SHRF) က ဇွန်လ ၁၉ ရက်နေ့တွင် ထုတ်ပြန်ထားသည်။

မိုင်းပေါက်ဒေသတွင် လွန်ခဲ့သော ၂၀၁၅ ခုနှစ်က မြေရှားသတ္တုတွင်းမှာ ၃ ခုသာရှိခဲ့သော်လည်း ယခုနှစ် ၂၀၂၅ ခုနှစ်အတွင်း မြေရှားသတ္တုတွင်းမှာ ၂၆ ခုထက်မနည်း ရှိလားကြောင်း ရှမ်းလူ့အခွင့်အရေးမဏ္ဍိုင် (SHRF) ၏ ထုတ်ပြန်ချက်တွင် ဖော်ပြထားသည်။

ထို့သို့ သတ္တုတူးဖော်မှုကြောင့် သဘာဝပတ်ဝန်းကျင်ကို ဆိုးရွားစွာ ထိခိုက်စေပြီး မြေပေါ်၊ မြေအောက်ရေ အရင်းအမြစ်များကို ညစ်ညမ်းစေကာ သတ္တုတွင်းများ အောက်ဘက်တွင် နေထိုင်ကြသော ဒေသခံပြည်သူများ၏ ကျန်းမာရေးနှင့် အသက်မွေးဝမ်းကျောင်းကို ခြိမ်းခြောက်နေကြောင်း ရှမ်းလူ့အခွင့်အရေးမဏ္ဍိုင် (SHRF) ကဆိုထားသည်။

လက်ရှိ တုံကင်ပင်လယ်ကွေ့တွင် ဖြစ်ပေါ်နေသည့် အပူပိုင်းမုန်တိုင်း ဝီဖာ (WIPHA) မုန်းတိုင်း၏ ရိုတ်ခတ်မှုကြောင့် သျှမ်းပြည်အပါအဝင် နေပြည်တော်၊ ရန်ကုန်၊ မန္တလေး၊ ပဲခူး၊ မကွေး၊ ဧရာဝတီ၊ တနင်္သာရီ၊ ကယား၊ ကရင်နှင့် မွန်တို့တွင်လည်း မိုးထစ်ချူန်းရွာသွန်းပြီး ဒေသအလိုက် မိုးဆက်ကြီးမည်ဟု မိုးလေဝသနှင့် ဇလဗေဒက သတင်းထုတ်ပြန်ထားသည်။