ယနေ့ (ဇူလိုင်လ ၈ ရက်) ညနေ ၄ နာရီဝန်းကျင်တွင် မန္တလေးတိုင်းဒေသကြီး ကျောက်မြောင်းအနီးတွင် ဗဟိုပြု၍ မဂ္ဂနီကျု ၅.၄ အဆင့်အားပြင်းသည့် ငလျင်ထပ်မံလှုပ်ခတ်ခဲ့ကြောင်းသိရသည်။
ထိုမြေငလျင်လှုပ်ခတ်မှုကြောင့် မန္တလေးတိုင်းဒေသ မိုးကုတ်မြို့နယ် သျှမ်းပြည်တောင်ပိုင်း အင်းလေးဒေသ၊ တောင်ကြီးမြို့နယ် နှင့် သျှမ်းပြည်မြောက်ပိုင်း ကျောက်မဲမြို့မြို့နယ် ထိသိသိသာသာ ငလျင်လှုပ်ခတ်ခဲ့ကြောင်း ဒေသခံများက သျှမ်းသံတော်ဆင့်ကိုပြောသည်။
“အင်းလေးဘက်မှာ ငလျင်လှုပ်ပြန်ပြီး။ အခုထိ မူးနေတုန်း။ ၅.၄တဲ့ သိပ်မကြာတော့။ ဘာမှ မဖြစ်ဘူး။ မန္တလေးဘက်နဲ့ ဆက်နေလဲမသိဘူး။အဲ့ဘက်က ဗဟိုဆို အင်းလေးဘက်က တော်တော်ပြင်းတယ်။ ရက်ပိုင်းက ဟိုပုံးမှာဗဟိုပြုပြီးငလျင်လှုပ်တာ ဒီဘက်ကဘာမှတောင်မသိဘူး”ဟု အင်းလေးဒေသခံ အမျိုးသားတစ်ဦးက ပြောသည်။
ပြီးခဲ့သည့် မတ်လ ၂၈ ရက်တွင် မြန်မာနိုင်ငံအတွင်း ၇.၇ အဆင့် အင်အားပြင်းငလျင်ကြီး လှုပ်ခတ်ပြီး ၃ လကျော်အတွင်း နောက်ဆက်တွဲ မြေငလျင်လှုပ်ခတ်မှု အကြိမ်ပေါင်း ၂၀၀ ကျော် ရှိခဲ့ကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနက ထုတ်ပြန်ထားသည်။
Leave a Comments