သျှမ်းပြည်တောင်ပိုင်း၊ တောင်ကြီးမြို့တွင် လိုင်စင်မဲ့ ယာဉ်များဆက်လက် ဖမ်းဆီးနေကြောင်း မြို့ခံများထံမှ စုံစမ်းသိရှိရသည်။

ယမန်နေ့ ဇူလိုင်လ (၁၃)ရက်တွင် စစ်ကောင်စီ၊ ရဲနှင့် ယာဉ်ထိန်းရဲများက တောင်ကြီးမြို့ ပန်းလှိုင်မြောက်ဘက် အထက (၁) မီးပွိုင့်လမ်းဆုံနားတွင် ဖမ်းဆီးခဲ့ပြီး ကားနှင့် ဆိုင်ကယ် (၅၀)စီး ဝန်းကျင် ဖမ်းဆီးခံရသည်။

ယခင်က လိုင်စင်မဲ့ ယာဉ်များဖမ်းဆီးရာတွင် ဆိုင်ကယ်ဦးထုတ်မပါလျှင် ငွေကျပ် (၃၀၀၀၀)သာ ပေးခဲ့ရသော်လည်း ယခုတွင် ငွေကျပ်(၁သိန်း)အထိ ပေးနေရပြီး အများအားဖြင့် ပိတ်ရက်ဖြစ်သည့် တနဂ်နွေနှင့် လပြည့်၊လကွယ် ရက်တွင် ပိုမိုဖမ်းဆီးလာကြောင်း မြို့ခံများထံများက ပြောသည်။

“လပြည့်လကွယ် နဲ့ တနဂ်နွေ ပိတ်ရက်တွေ့မှာ ပိုဖမ်းနေတယ်။ အရင်ရက်တွေက သွားလို့တော့ ရတယ် သူတို့မိရင် သုံးလေးသောင်း ပေးခဲ့ရုံပဲ။ ခုတော့မရတော့ဘူး ဆိုင်ကယ် ဦးထုပ်မပါရင် တစ်သိန်း၊ လိုင်စင် မပါရင် သုံးသိန်းလောက်ပေးရတာ။ ပိုက်ဆံလည်း မပါဘူး ဆိုရင်တော့ ရုံးအထိလိုက်ဖြေရှင်းပေါ့။” ဟု မြို့ခံ အမျိုးသားတစ်ဦးက သျှမ်းသံတော်ဆင့်ကို ပြောသည်။

ထိုသို့ လိုင်စင်မဲ့ယာဉ်များကို ဖမ်းဆီးမှု လုပ်နေသောကြောင့် အသွားလာ ဂရုစိုက်ကြရန်နှင့် အနောက်မြို့ပတ်လမ်း၊ အရှေ့မြို့ပတ်လမ်းနှင့် ဘုရားဖြူ ဘက်တွင်လည်း ဂရုစိုက်သွားလာကြရန် ၎င်းက ပြောသည်။

ထို့အပြင် စစ်ကောင်စီမှ ဖမ်းဆီးရမိသည့် ဆိုင်ကယ်နှင့် ကားများကို စစ်တပ်လက်အောက်ခံ အစိုးရဝန်ထမ်းများကို စီးခွင့်ပေးထားကြောင်းနှင့် တချို့သော ကားများကို စစ်တပ်အတွက် အသုံးပြုနေကြောင်း ယာဉ်ထိန်းရဲနှင့် နီးစပ်သူတစ်ဦးက ပြောသည်။

“အရင်က ဖမ်းမိတဲ့ ဆိုင်ကယ်တို့ ကားတို့ကို အစိုးရဝန်ထမ်းတွေကို ပေးစီးထားတယ် လို့သိရတယ်။ ပြီးရင် စစ်တပ်အတွက် လည်း အသုံးပြုတယ်တဲ့။ တချို့ကားတွေကျတော့ ပိုက်ဆံပေးပြီး လာရွေးလို့ရတယ်။ လိုင်စင်လုပ်မယ်ဆိုလည်း ကားတစ်စီးရဲ့ နှစ်ဆလောက် ဈေးကြီးတာ။ ပြည်သူတွေတော့ အသွားလာ ခက်ခဲတာပေါ့။မိုးရွာနေလည်း မိုးကာဝတ်ပြီးဖမ်းနေကြတာ။” ဟု အဆိုပါ အမျိုးသားကပြောသည်။

ပြီးခဲ့သည့် ဇွန်လ (၁)ရက်နေ့မှ ဇွန်လ(၅)ရက်နေ့အတွင်း လိုင်စင်မဲ့ယာဉ်များ ဖမ်းဆီးခံခဲ့ရသည်မှာ ကားအစီးရေ ၄၀၀ ကျော်နှင့် ဆိုင်ကယ်အစီးရေ ၄၀၀ နီးပါးဖမ်းဆီးခံခဲ့ရကြောင်း သိရသည်။

ပြီးခဲ့သည့် မေလ (၂)ရက်တွင် စစ်ခေါင်းဆောင်မှ လိုင်စင်မဲ့မော်တော်ယာဉ်နှင့် ဆိုင်ကယ်များကို ထိထိရောက်ရောက် ဖမ်းဆီးအရေးယူရန် ညွှန်ကြားခဲ့ပြီး သျှမ်းပြည်တောင်ပိုင်းရှိ ဟဲဟိုး၊ ညောင်ရွှေ၊ အောင်ပန်း၊ ရပ်စောက်၊ ဟိုပုံး၊ ဆီဆိုင်နှင့် ပင်လောင်းမြို့ဘက်တွင်လည်း ဈေးလာသုံးသည့် ပြည်သူများ၏ ဆိုင်ကယ်၊ ကားများ သိမ်းဆည်းခံခဲ့ရသည်။

ဆိုင်ကယ်များသည် လိုင်စင်မပါလျှင် ကျပ်(သုံးသောင်း)၊ လိုင်စင်မရှိလျှင် ကျပ်(တစ်သိန်း)နှင့် ထောင်တစ်လ ချခံရမည် ဖြစ်ပြီး နံပါတ်ပြား မထင်ရှားပါက ပုဒ်မ ၈၄(က)၊ ၉၄ တို့ဖြင့် ထောင်ဒဏ် (၃)လမှ ငွေကျပ်(သုံးသိန်း) ကျခံရမည်ဖြစ်ကြောင်း စစ်ကောင်စီမှ ထုတ်ပြန်ထားသည်။

ပိုက်ဆံပေးပြီး လာရွေးလို့ရတယ်။ လိုင်စင်လုပ်မယ်ဆိုလည်း ကားတစ်စီးရဲ့ နှစ်ဆလောက် ဈေးကြီးတာ။ ပြည်သူတွေတော့ အသွားလာ ခက်ခဲတာပေါ့။မိုးရွာနေလည်း မိုးကာဝတ်ပြီးဖမ်းနေကြတာ။” ဟု အဆိုပါ အမျိုးသားကပြောသည်။

ပြီးခဲ့သည့် ဇွန်လ (၁)ရက်မှ ဇွန်လ(၅)ရက်အတွင်း လိုင်စင်မဲ့ယာဉ်များ ဖမ်းဆီးခံခဲ့ရသည်မှာ ကားအစီးရေ ၄၀၀ ကျော်နှင့် ဆိုင်ကယ်အစီးရေ ၄၀၀ နီးပါးဖမ်းဆီးခံခဲ့ရကြောင်း သိရသည်။

ပြီးခဲ့သည့် မေလ (၂)ရက်တွင် စစ်ခေါင်းဆောင်မှ လိုင်စင်မဲ့မော်တော်ယာဉ်နှင့် ဆိုင်ကယ်များကို ထိထိရောက်ရောက် ဖမ်းဆီးအရေးယူရန် ညွှန်ကြားခဲ့ပြီး သျှမ်းပြည်တောင်ပိုင်းရှိ ဟဲဟိုး၊ ညောင်ရွှေ၊ အောင်ပန်း၊ ရပ်စောက်၊ ဟိုပုံး၊ ဆီဆိုင်နှင့် ပင်လောင်းမြို့ဘက်တွင်လည်း ဈေးလာသုံးသည့် ပြည်သူများ၏ ဆိုင်ကယ်၊ ကားများ သိမ်းဆည်းခံခဲ့ရသည်ဟု သိရသည်။

ဆိုင်ကယ်များသည် လိုင်စင်မပါလျှင် ကျပ်(သုံးသောင်း)၊ လိုင်စင်မရှိလျှင် ကျပ်(တစ်သိန်း)နှင့် ထောင်တစ်လ ချခံရမည် ဖြစ်ပြီး နံပါတ်ပြား မထင်ရှားပါက ပုဒ်မ ၈၄(က)၊ ၉၄ တို့ဖြင့် ထောင်ဒဏ် (၃)လမှ ငွေကျပ်(သုံးသိန်း) ကျခံရမည်ဖြစ်ကြောင်း စစ်ကောင်စီမှ ထုတ်ပြန်ထားသည်။