သျှမ်းပြည် မိုးဗြဲမြို့နယ် နှင့် ပင်လောင်းမြို့နယ်တို့တွင် စစ်ကောင်စီ နှင့် တော်လှန်ရေးတပ်ပေါင်းစုတို့ တိုက်ပွဲများ ဆက်လက် ပြင်ထန်နေကြောင်း စုံစမ်းသိရသည်။

မိုးဗြဲမြို့နယ်တွင် စစ်ကောင်စီ နှင့် တော်လှန်ရေးတပ်ပေါင်းစု တို့ နေ့စဉ် တိုက်ပွဲများ ဆက်လက်ပြင်းထန်နေကြောင်း စစ်ရေးသတင်းအရင်းမြစ်တစ်ဦးက သျှမ်းသံတော်ဆင့်ကို ပြောသည်။

“မနေ့ကရော ရှေ့တရက်ကရော တိုက်ပွဲထိတွေ့မှုတွေဖြစ်တယ်။တိုက်ပွဲတွေကတော့ ပြင်းထန်နေတုန်း။ လေကြောင်း နဲ့ ဒရုန်းတွေသုံးပြီးတိုက်တာမျိုးမရှိပေမယ့် လက်နက်ကြီးတွေနဲ့တော့ ပစ်နေတာ။”ဟု ၎င်းကပြောသည်။

အလားတူ ပင်လောင်းမြို့နယ် ဆောင်ပြောင်းဖက်တွင်လည်း စစ်ကောင်စီတပ်၊ PNO ပြည်သူ့စစ်နှင့် တော်လှန်ရေးအင်အားစုတို့ ယနေ့ ( မေလ ၂၇ ရက် )ထိ မြေပြင်တိုက်ပွဲများ ဆက်လက်ဖြစ်ပွားမှု ရှိနေကြောင်း သတင်အရင်းမြစ်တစ်ဦးက ထပ်မံလောင်းပြောသည်။

“ဆောင်းပြောင်းမှာ မြေပြင်တိုက်ပွဲတွေကလည်း ဆက်လက်ဖြစ်ပွားနေပါတယ်၊ စစ်ကောင်စီရဲ့ လက်နက်ကြီးပစ်ခတ်မှုတွေလည်း ဆက်လက်မြင့်နေဆဲ ဖြစ်ပါတယ်။”ဟု ၎င်းကပြောသည်။

ပြီးခဲ့သည့် မေလ ၂၃ ရက်တွင်လည်း မိုးဗြဲမြို့ Local ဗျုဟာ အမှတ်(၂)လှုပ်ရှားနယ်မြေတွင် လက်လွတ်လိုက်ရသည့် ရှေ့ကာကင်းနေရာတစ်ချို့ကို MB Local PDF၊DMO Local PDF၊KNA၊KNDFနှင့် အတူ ပြန်လည်ခြေကုပ် တက်ယူနိင်ခဲ့ပြီး ရဲဘော်တစ်ဦး စနိုက်ဘာဖြင့် ပစ်ခတ်ခံခဲ့ရကြောင့် Mobye Local PDF မှ ထုတ်ပြန်ခဲ့သည်။