ကချင်ပြည် ဗန်းမော်မြို့တွင် တိုက်ပွဲများ ဆက်လက်ပြင်းထန်နေပြီး တစ်မြို့လုံးနီးပါး လေကြောင်း ဗုံးကြဲမှု လက်နက်ကြီးများကြောင့် မြို့ပျက်ကဲ့သို့ ပျက်စီးနေကြောင်း သတင်းရရှိသည်။

ပြီးခဲ့သည့် ၂၀၂၄ ဒီဇင်ဘာလ မှ စတင်ခဲ့သည့် ဗန်းမော်မြို့သိမ်းသည့် စစ်ကောင်စီ နှင့် ကချင်လွတ်လပ်ရေး တပ်မတော် KIA ပူးပေါင်းတပ်တို့ လက်ရှိအချိန်ထိ နှစ်ဖက်တိုက်ပွဲ ပြင်ထန်မှု ရှိနေပြီး၊တစ်မြို့လုံးနီးပါး တစ်မြို့လုံးနီးပါး လေကြောင်း ဗုံးကြဲမှု လက်နက်ကြီးများကြောင့် မီးလောင်ပျက်စီး၍ မြို့ပျက်ကဲ့သို့ ဖြစ်နေကြောင်း သတင်းရင်းမြစ်တစ်ဦးက သျှမ်းသံတော်ဆင့်ကို ပြောသည်။

“ဒီရက်ပိုင်း ၃ရက် ၄ ရက်မှာက မြို့ထဲမှာ တိုက်ပွဲတွေပြန်ပြင်းထန်နေတယ်။မြို့တစ်မြို့လုံးနီးပါး ပျက်စီးနေတယ်။အလောင်းလည်းမကောက်နိုင်ကြဘူး။မြို့ထဲမှာလည်း တချို့နေရာတွေမှာ ပုတ်နံ့တောင်ထွက်တယ်။စစ်ကောင်စီဖက်ကလည်း နေ့တိုင်းဗုံးကြဲတာတွေလုပ်နေပါတယ်။”ဟု ၎င်းကပြောသည်။

ပြီးခဲ့သည့် ဧပြီလ ၂၈ ရက်တွင် ဗန်းမော်မြို့တွင်းရှိ စစ်ကောင်စီတပ်းစခန်းအချို့နှင့် တပ်စွဲထားသည့် နေရာများကို ကချင်လွတ်လပ်ရေး တပ်မတော် KIA ပူးပေါင်းတပ်တို့က ထိုးစစ်စဉ်တိုက်ခိုက်ပြီး ၊စစ်ကောင်စီဖက်မှ လေကြောင်း၊ ဒရုန်း၊ လက်နက်ကြီးများကို ပြန်လည်းအသုံးပြုထိုက်ခိုက်ခဲ့ကြောင်း သိရသည်။

ဗန်းမော်ြမို့တွင်းရှိ ဒေသခံနေအိမ်အချို့နှင့် ဟော်တယ်၊ တိုက်အုံးအဆောက်အမြင့်များကို စစ်ကောင်စီတပ်စွဲထားပြီး၊ ကချင်လွတ်လပ်ရေး တပ်မတော် KIA ပူးပေါင်းတပ်တို့လည်း ရပ်ကွက်အချို့တွင် တပ်ဆွဲထားကြောင်း သတင်းအရင်းမြစ်တစ်ဦးက ဆက်ပြေသည်။

“မြို့ထဲက အထပ်မြင့်တိုက်တွေမှု စစ်ကောင်စီက နေရာယူထားပါတယ်။စစ်ကောင်စီတွေကတော့ မြို့ထဲက အဲ့ဟော်တယ်တိုက်မြင့်ပေါ်တွေမှာတပါစွဲ နေရာယူထားတာမျိုးတွေရှိတယ်။မြို့အပြင် ပတ်ဝန်းကျင် လောက်တွေမှာကြတော့ ကချင်ပူပေါင်းတပ်ဖွဲ့တွေ တပ်ဆွဲတာပေါ့။”ဟု ၎င်းက ပြောသည်။

၅ လ နီးပါးကြားမြင့်နေပြီဖြစ်သည့် ဗန်းမော်မြို့ကို လက်ရှိအချိန်ထိ ကချင်လွတ်လပ်ရေး တပ်မတော် KIA ပူးပေါင်းတပ်တို့က ဗန်းမော်မြို့တစ်ခုလုံးကို အပြည့်အဝထိန်းချုပ်နိုင်ခြင်းမရှိမသေးကြောင်း သိရသည်။

လက်ရှိ ဗန်းမော်မြို့တွင် ကချင်လွတ်လပ်ရေး တပ်မတော် KIA ပူးပေါင်းတပ်တို့သည် စစ်ကောင်စီ၏ နောက်ဆုံးလက်ကျန်စခန်းဖြစ်သော (စ.က.ခ ၂၁) ၊ (ခ.လ.ရ ၄၇) များကို ဆက်လက်တိုက်ခိုက်နေဆဲ ဖြစ်ပြီး အမှတ် ၇၀၀၆ သံချပ်ကာတပ်ရင်း၊ တင့်ကားတပ်ရင်း၊ အမြောက်တပ် ၃၆၆ နှင့် ဗန်းမော် လေဆိပ်တို့ကို တော်လှန်ရေးတပ်များက တိုက်ခိုက်သိမ်းပိုက်ထားနိုင်ကြောင်းသိရသည်။