ယနေ့ ( ဧပြီလ ၁၁ ရက် ) မနက် ၁၁ နာရီဝန်းကျင်တွင် မန္တလေးတိုင်း၊ မိတ္တီလာဒေသ ၊ သာစည်မြို့ ၏ အရှေ့မြောက်ဘက် ၊ အင်တိုင်းသာ အနီးတွင် ဗဟိုပြု၍ ငလျင်လှုပ်ခတ်မှုဖြစ်ပွားခဲ့ကြောင် Earthquakes Prophecy Centre မှ ထုတ်ပြန်ခဲ့သည်။
ထို ဗဟိုပြု၍ ငလျင်လှုပ်ခတ်ခဲ့သည့် တည်နေရာတွင် မြေအောက်အနက် ၁၀ ကီလိုမီတာ၊ ပြင်းအား ရစ်ချ်တာစကေး ၅ ဒဿန ၅ အဆင့်ရှိ ပြီး သျှမ်းပြည်ထိ ငလျင်လှုပ်ခတ်မှုဖြစ်ပွားခဲ့ကြောင်း တောင်ကြီးဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“တောင်ကြီး ၊ အေးသာယာ ညောင်ရွှေဘက်ထိ ငလျင်လှုပ်သွားသေးတယ် ၊ ၁၀ နာရီ ၅၉ မိနစ်လောက်က ဖြစ်သွားတာပါ။” ဟု ၎င်းက ပြောသည်။
မြန်မာနိုင်ငံအလယ်ပိုင်းကို ပြီးခဲ့သည့်( မတ်လ ၂၈ ရက် ) တွင် စစ်ကိုင်းနှင့် မန္တလေးမြို့ကို ဗဟိုပြု၍ ရစ်ချ်တာစကေး ၇ ဒဿမ ၇ အဆင့်ရှိ အင်အားပြင်း ငလျင်လှုပ်ခတ်မှုဖြစ်ပွားခဲ့သော်လည်း ငလျင်လှုပ်ခတ်မှု သည် ရပ်တန့်မသွားဘဲ ဆက်လက်၍ ယနေ့ (ဧပြီလ ၁၁ ရက်) နေ့ထိ နေ့စဉ်နီးပါး ထပ်မံဖြစ်ပေါ်မှုများရှိနေသည်။
နောက်ဆက်တွဲငလျင်များကြောင့် မြန်မာနိုင်ငံတဝှမ်း သမိုင်းဝင် ဘာသာရေး အဆောက်အဦများ၊ လမ်းတံတားများ အပါအဝင် တိုက်များ၊ အိုးအိမ်များ ပျက်စီးဆုံးရှုံးခဲ့ရပြီး လူသေဆုံးမှုနှင့် ထိခိုက်ဒဏ်ရာရမှုများ ဆက်လက်မြင့်တက်နေသည်။
Leave a Comments