သျှမ်းပြည် သိန္နီမြို့နယ်တွင် အမျိုးသားတစ်ဦး မြေမြုပ်မိုင်နင်းမိ၍ ခြေထောက်နှစ်ဖက်ဆုံးရှုံး ခဲ့ရကြောင်း သိရသည်။
ယမန်နေ့ ( ဧပြီလ ၈ ရက် ) မနက်ပိုင်း ၁၁ နာရီဝန်းကျင်တွင် သိန္နီမြို့နယ် ပန်စုံကျေးရွာနေ အမျိုးသားတစ်ဦးသည် အိမ်ခြံဝန်းအတွင်း သန့်ရှင်းရေးလုပ်ရာမှ မြေမြုပ်မိုင်းနင်းမိ၍ ခြေထောက်နှစ်ဖက်ဆုံးရှုံးခဲ့ရကြောင်း ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“အဲ့နင်းမိတဲ့လူရဲ့ အိမ်ခြံဝန်ထဲမှာ မြေမြုပ်မိုင်းဘယ်လိုရှိလဲ မသိဘူး။ သူရေတွင်း နားမှာ ခြံသန့်ရှင်းရင်း နဲ့ နင်းမိတာ။နင်းမိတာနဲ့ သိန္နီမြို့ထဲ က ဆေရုံအရင်ခေါ်သွားတာ သူတို့ပစ္စည်မစုံလို့ထင်တယ် လားရှိုးကို သွားခိုင်းတာ”ဟု ၎င်းကပြောသည်။
ထိုမြေမြုပ်မိုင်းနင်းမိသူအမျိုးသားသည် ပန်စုံရွာနေ အသက် ၆၈ အရွယ်ရှိ အမျိုးသားဖြစ်ကြောင်း သိရသည်။
ပြီးခဲ့သည့် ၂၀၂၃ “၁၀၂၇ စစ်ဆင်ရေး”အတွင်း သိန္နီမြို့နယ်တွင် စစ်ကောင်စီ နှင့် ညီနောင်မဟာမိတ် တပ်ဖွဲ့၊ တော်လှန်ရေးတပ်ဖွဲ့ တို့ နှင့် ၃ လကျော်ကြာ တိုက်ပွဲဖြစ်ပွားခဲ့ခြင်းကြောင့် မြို့ ၊ ရွာ အတွင်း၌ မြေမြုပ် မိုင်းများ ကျန်ရှိနေရကြောင်း သိရသည်။
လက်ရှိ သိန္နီမြို့သည် MNDAA ထိန်းချုပ်သည့် ဒေသ ဖြစ်သည်။
Leave a Comments