သျှမ်းပြည် ညောင်ရွှေမြို့နယ်တွင် တိုက်ပွဲဖြစ်ပွားခြင်းမရှိဘဲ စစ်ကောင်စီမှ ဒရုန်း၊လက်နက်ဖြင့် ကျေးရွာအတွင်းသို့ ဗုံးကြဲတိုက်ခိုက်ခဲ့ကြောင်း သတင်းရရှိသည်။
ညောင်ရွှေမြို့နယ် အင်လေးတောင်ဘက်ရှိ ရေပူကျေးရွာတွင် ယမန်နေ့ (ဧပြီလ ၅ ရက် )စစ်ကောင်စီမှ တိုက်ပွဲဖြစ်ပွားခြင်းမရှိဘဲ ဒရုန်း၊ လက်နက်ကြီးများဖြင့် အကြောင်းရင်းမဲ့ ပစ်ခတ်ခဲ့ခြင်းကြောင့် နေအိမ် ၂ လုံး နှင့်ဆိုင်ကယ်တစ်စီး ထိခိုက်ပျက်စီးခဲ့ရကြောင်း သတင်းအရင်းမြစ်တစ်ဦးက သျှမ်းသံတော်ဆင့် ကို ပြောသည်။
“လက်နက်ကြီးနဲ့ ဒရုန်းနဲ့ သုံးပြီးပစ်တာပါ။ လူ ထိခိုက်မှုတွေကတော့ မရှိပါဘူး။အဲ့ရွာကလူတွေက စစ်ဘေးရှောင်နေကြတာလေ။ရွာထဲ မနေကြဘူး။”ဟု ၎င်းကပြောသည်.
စစ်ကောင်စီ နှင့် ပအိုဝ်းပြည်သူ့စစ် PNO မှ ရေပူကျေးရွာအတွင်းကို (ဧပြီလ ၅ ရက်) မနက် ၆ နာရီ မှ ညနေ ၅ နာရီကျော်ထိ လက်နက်ကြီး နှင့် ဒရုန်းသုံး၍ အကြိမ် ၃၀ ကျော်ပစ်ခတ်ခဲ့ကြောင်း သိရသည်။
စစ်ကောင်စီမှ ရေပူကျေးရွာကို ဒရုန်း ဗုံးကြဲတိုက်ခိုက်ခြင်း ၊ လက်နက်ကြီးများသုံး၍ ပစ်ခတ်ခြင်းများ ကို ယခု ၂၀၂၅ နှစ်ဆန်းပိုင်းမှ စ၍ မကြာခဏ ပြုလုပ်ခဲ့သည်။
ငလျင်ဒဏ်ပြန်လည်ထူထောင်ရေးအတွက် စစ်ကောင်စီတပ်က ရက်၂၀ ယာယီ အပစ်ရပ်မည်ဟု တပ်မတော် ကာကွယ်ရေး ဦးစီးချုပ်ရုံးက ယနေ့ (မတ် ၂ ရက်) တွင် ထုတ်ပြန်ခဲ့သော်လည်း နေ့စဉ် သျှမ်းပြည်အတွင်း လက်နက်ကြီး၊ ဒရုန်း နှင့် လေကြောင်းတိုက်ခိုက်မှုများ နေ့စဉ်ပြုလုပ်နေကြောင်း သိရသည်။
Leave a Comments