သျှမ်းပြည်တောင်ပိုင်း၊ အောင်ပန်းမြို့တွင် ငလျင်ဒဏ်ကြောင့် ဟိုတယ်အောင်ပန်း ပြိုကျမှုတွင် သေဆုံးသူ (၉) ဦးအထိရှိလာပြီး ထိခိုက်ဒဏ်ရာ ရရှိသူ (၂၅)ဦးအထိရှိလာကြောင်း အောင်ပန်းနာရေးကူညီမှုအသင်းထံမှသိရသည်။
မတ်လ ၂၈ ရက်နေ့ မွန်းလွဲအချိန်တွင် လှုပ်ခတ်ခဲ့သော ပြင်းအား ၇.၇ ရှိ ငလျင်ပြတ်ရွေ့ကြောင့် အောင်ပန်းမြို့အပါအဝင် တစ်နိုင်ငံလုံးနီးပါး ငလျင်ဘေးဒဏ်ကျရောက်ခဲ့ရသည်။
ထိုသို့ ငလျင်လှုပ်ခတ်ခဲ့မှုကြောင့် ဟိုတယ်အောင်ပန်း ပြိုကျပျက်စီးသွားခဲ့ပြီး ယနေ့အချိန်ထိ ကယ်ဆယ်ရေးလုပ်ငန်းများ ဆက်လက်ဆောင်ရွက်နေကြပြီး လက်ရှိအချိန်ထိ သေဆုံးသူ အမျိုးသမီး (၅)ဦး၊ ကလေး (၂)ဦး၊ အမျိုးသား ( ၂)ဦး သေဆုံးခဲ့ပြီး ထိခိုက်ဒဏ်ရာ ရသူမှာ (၂၅)ဦးအထိရှိလာသည်။
“လက်ရှိမှာတော့ ကယ်ဆယ်ရေးလုပ်ငန်းတွေ ဆက်တိုက်လုပ်နေတယ်။ ကယ်ထုတ်နေကြသေးတယ်။ ပိတ်မိနေတဲ့သူတွေလည်းရှိသေးတယ်။”ဟု အောင်ပန်းနာရေးကူညီမှု အသင်းမှ တာဝန်ခံတစ်ဦးကပြောသည်။
မြန်မာတစ်နိုင်ငံလုံးတွင် ငလျင်ကြောင့် ထိခိုက်သေဆုံးသူ စုစုပေါင်း၁၆၄၄ ဦးနှင့် (၃၄၀၈)ဦးဒဏ်ရာရှိပြီး ပျောက်ဆူံးသူ ၁၃၉ ဦးရှိလာသည်ဟု စစ်ကောင်စီက မတ်လ (၂၉)ရက်နေ့ ည(၈) နာရီတွင်ထုတ်ပြန်လာ ခဲ့သည်။
Leave a Comments