မြန်မာရေပိုင်နက်အတွင်း ငါးဖမ်းနေစဉ် ယမန်နှစ်ကဖမ်းဆီးထားသော ထိုင်းငါးဖမ်းလှေပေါ်မှ သင်္ဘော ၄ ဦးကို ယမန်နေ့( မတ်လ ၂၇ )ရက်တွင် ပြစ်ဒဏ်လွတ်ငြိမ်းခွင့်ဖြင့် ပြန်လွှတ်ပေးလိုက်ကြောင်း စစ်ကောင်စီက သတင်းထုတ်ပြန်သည်။
နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှုသောအားဖြင့် လည်းကောင်း၊ လူသားချင်း စာနာထောက်ထားမှုကို အလေးထားသောအားဖြင့် လည်းကောင်း ကော့သောင်း အကျဉ်းထောင်၌ ပြစ်ဒဏ်ချခံနေသည့် ထိုင်းနိုင်ငံသား ၄ ဦးနှင့် ဘားအံ့ထောင်၌ ပြစ်ဒဏ်ချခံနေသည့် ဖိလစ်ပိုင်နိုင်ငံသား ၃ ဦး တို့ကို ကျန်ရှိ ပြစ်ဒဏ်များအပေါ်လျော့ပေါ့ပြီး ပြစ်ဒဏ်လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်သည်ဟု စစ်ကောင်စီက မတ်လ ၂၇ ရက်တွင် ထုတ်ပြန်သည်။
ထိုင်းဝန်ကြီးချုပ် ပေထုတ်တန်ရှင်နာဝပ်၏ လူမှုကွန်ရက်တွင်လည်း ထိုင်းငါးဖမ်းသမား ၄ ဦးကို မြန်မာဘက်မှ ပြန်လွှတ်ပေးလိုက်ကြောင်း၊ ယခုလို ဆုံးဖြတ်ချက်အတွက် မြန်မာအစိုးရကို ကျေးဇူးတင်ကြောင်း ယနေ့တွင် ရေးသားထားသည်။
စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်သည် လာမည့် ဧပြီလဆန်းပိုင်း ဘန်ကောက်၌ ကျင်းပမည့် ဘင်္ဂလားပင်လယ်အော် ဒေသနိုင်ငံများ နည်းပညာနှင့် စီးပွားရေး ပူးပေါင်းဆောင်ရွက်ရေးအဖွဲ့ (BIMSTEC) ထိပ်သီးအစည်းအဝေးမတိုင်မီ ယခုလိုထိုင်းရေးလုပ်သား ၄ ဦး ပြန်လွှတ်ပေးလိုက်ခြင်း ဖြစ်သည်။
Leave a Comments