ပြည်သူတွေကို လက်နက်ဖြင့် ခြိမ်းခြောက်ကာ ဆက်ကြေးကောက်ခံနေသည့် ပအိုဝ်းပြည်သူ့လွတ်မြောက်ရေး တပ်မတော် PNLA အဖွဲ့ဝင် ၂ ဦးကို ရှင်းလင်းလိုက်ကြောင်း သတင်းအမှားဖြန့်ချိနေသည်။

စစ်ကောင်စီအာပေး တယ်လီဂရမ် ဝါဒဖြန့်ချန်နယ်လ်တစ်ခုဖြစ်သည့် မှိုင်းဝေချန်နယ်လ်က ဇန်နဝါရီ ၁၄ ရက်နေ့တွင် ဖြန့်ချိခဲ့ပြီး PNLA တပ်ဖွဲ့ဝင် ၂ ဦး၏ အလောင်းပုံနှင့်အတူ အခွန်ငွေတောင်းခံသည့် စာရွက်စာတမ်းများပါ ဖြန့်ချိခဲ့သည်။

ထိုသတင်းအမှားကို ကြည့်ရှုသူပေါင်း ၃၁,၀၀၀ ကျော်ရှိသည်။

မူရင်းလင့်ခ် – https://archive.ph/bkQrQ#selection-287.0-287.17

သတင်းအမှားဖြန့်ချိသူတွေ ဖော်ပြသော အကြောင်းအရာကို MFCN အဖွဲ့ဝင် သျှမ်းသံတော်ဆင့်နှင့် ဖယ်ဒရယ် FM တို့၏ အချက်အလက်စစ်ဆေးသူများက ပူးပေါင်းစိစစ်ကြည့်သည့်အခါ မှားယွင်းနေကြောင်း တွေ့ရသည်။

သတင်း စစ်ဆေးတွေ့ရှိချက်

သတင်းအမှားဖြန့်ချိသူတွေ ဖော်ပြသော ဓာတ်ပုံတွင် “ ၂၀၂၅ ဇန်နဝါရီလ ၁၂ ရက်၊ ည ၆ နာရီခွဲအချိန်၌ ရိုက်ကူးထားသည့် ဓာတ်ပုံဖြစ်ပြီး Redmi 10 c ဆိုသည့် ဖုန်းအမျိုးအစားဖြင့် ရိုက်ထားကြောင်း” ဖော်ပြသည်။

ပြီးခဲ့သည့် ၂၀၂၅ ဇန်နဝါရီလ ၁၂ ရက်တွင် ဆီဆိုင်မြို့နယ် ထီဆုံရွာ၌ စစ်ကောင်စီတပ်နှင့် ပအိုဝ်းပြည်သူ့စစ် PNO တို့ပူးပေါင်းအဖွဲ့နှင့် PNLA တို့ ဖြစ်ပွားခဲ့ကြောင်း ဒေသတွင်းသတင်းဌာနတစ်ခုဖြစ်သည့် ခမ်းသားငေါဝ်းက ဖော်ပြသည်။

ထိုတိုက်ပွဲအတွင်း စစ်ကောင်စီနှင့် PNO ဘက်မှ စစ်ကြောင်းမှူးအပါအဝင် ၂၀ ဦးကျော် သေဆုံးပြီး၊ PNLA ဘက်မှ ၁ ဦးသေဆုံးကာ ၅ ဦးဖမ်းဆီး ညင်းပန်းနှိပ်စက် သတ်ဖြတ်ခြင်းခံရကြောင်း ဖော်ပြသည်။

သတင်းအပြည့်အစုံ ဖတ်ရှုရန် -https://shorturl.at/savVC

ဆီဆိုင်မြို့နယ် တိုက်ပွဲအတွင်း ဖမ်းဆီးခံရသည့် PNLA ရဲဘော် ၅ ဦးကို PNO ပြည်သူ့စစ်က သတ်ဖြတ်လိုက်ကြောင်း People’s Spring နှင့် ဖယ်ဒရယ် FM သတင်းကလည်း ဖော်ပြထားသည်။

သတင်းလင့်ခ်များ – https://shorturl.at/iRmrk – https://shorturl.at/SMUNG
ထို့ပြင် PNLA ၏ စစ်သုံ့ပန်း (၅) ဦး သတ်ဖြတ်ခံရခြင်းနှင့် ပတ်သက်၍ ပြည်သူ့စစ် PNO က ငြင်းဆိုထားကြောင်း သျှမ်သံတော်ဆင့်က ဖော်ပြသည်။

သတင်းအပြည့်အစုံ ဖတ်ရှုရန် – https://shorturl.at/UVVdO

သုံးသပ်ချက်

သတင်းအမှားဖြန့်ချိသူတွေ ဖော်ပြသည့် PNLA တပ်ဖွဲ့ဝင် ၂ ဦး၏ အလောင်းပုံသည် တိုက်ပွဲအတွင်း၌ ကျဆုံးသွားသော ဓာတ်ပုံသာဖြစ်သည်။

ထို့ပြင် ပြည်သူတွေကို လက်နက်ဖြင့် ခြိမ်းခြောက်ဆက်ကြေးကောက်သည်ဆိုသည့် ဖော်ပြချက်က မှားယွင်းနေကြောင်း စိစစ်တွေ့ရှိရသည်။ သတင်းအမှားဖြန့်ချိသူတွေက မတူညီသည့် အကြောင်းအရာနှင့် ရုပ်ပုံကို ဖြတ်ညှပ်ကပ်ပြီး လိုအပ်သလို ပုံဖော်ရေးသားဝါဒဖြန့်ချိနေခြင်း ဖြစ်သည်။

စာဖတ်ပရိတ်သတ်တွေအနေဖြင့် လူမှုကွန်ရက် စာမျက်နှာများတွင် ဖော်ပြနေသည့် သတင်းတွေကို ချက်ချင်းမယုံကြည်ဘဲ စိတ်ချရသော သတင်းမီဒီယာများမှာ သွားရောက်ဖတ်ရှု့ကြရန် တိုက်တွန်းပါသည်။

သတင်းတု၊ သတင်းမှားဟု ယူဆရသည့် သတင်းတွေကိုလည်း Myanmar Fact-checking Network Facebook Chat Box မှတစ်ဆင့် သတင်း၏ လင့်ခ် (သို့မဟုတ်) Screenshot ပုံပေးပို့ခြင်းဖြင့် စစ်ဆေးနိုင်ပါသည်။

Myanmar Fact-checking Network အဖွဲ့ဝင်များ၏ အချက်အလက်စစ်ဆေးထားသည့် သတင်းများကိုလည်း ဤနေရာတွင် ဝင်ရောက်ဖတ်ရှုနိုင်ပါသည်။