ကရင်နီ (ကယားပြည်) လွိုင်ကော်မြို့တွင် စစ်ကောင်စီတပ်သည် စစ်မှုထမ်းရန်အတွက် သက်ကြီးပိုင်းများကိုပါ အိမ်တွင်းထိ ဝင်ရောက်ဖမ်းစီးသွားကြောင်း စုံစမ်းသိရသည်။
(ဒီဇင်ဘာလ ပထမပတ်)တွင်စတင်ပြီး ယနေ့ (ဒီဇင်ဘာလ ၂၃ ရက်)နေ့အထိ စစ်မှုထမ်းရန်အတွက် စစ်ကောင်စီတပ်သည် ဖမ်းဆီးမှုများ ပိုမိုတင်းကြပ်လာပြီး စစ်မှုမထမ်းလိုသူများကို ၎င်းနေအိမ်ပိုင် ပစ္စည်များ သိမ်းယူသွားမည်ဟု လာရောက်ခြိမ်းခြောက်မှုများ ပြုလုပ်နေကြောင်း ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
စစ်ကောင်စီတပ်နှင့် နီးစပ်သည့် ရပ်ကွက်ကိုသာ အားထားပြီး ဖမ်းဆီးနေကြောင်း၊ စစ်မှုမထမ်းလိုသူများကို အိမ်တွင်းထိဝင်ရောက် ဖမ်းဆီးသွားကြောင့် ၎င်းက ဆက်ပြောသည်။
“ဖမ်းတာတော့ တော်တော်တော့ ကြာနေပါပြီ ဒီလက တော်တော်ဆိုးလာတယ်။ အိမ်ထဲထိ ဝင်ခေါ်သွားတယ်။ ဘာလိုဆို လက်ရှိလွိုင်ကော်မှာ ပြည်သူတွေ တော်တော်များများပြန်ရောက်ကုန်ပြီ အခွင့်ကောင်းယူပြီး သက်ကြီးရွယ်အိုကိုပါ ခေါ်သွားတယ်။ ဖမ်းတာက သူတို့တပ်နဲ့ နီးစပ်တဲ့သူကို ဦးစားပေးပြီးဖမ်းတယ်”ဟု ၎င်းက ပြောသည်။
လက်ရှိ လွိုင်ကော်မြို့အနီးတဝိုက်တွင် စစ်ကောင်စီတပ်နှင့် ပအိုဝ်းပြည်သူစစ် (PNO) တပ်ဖွဲ့တို့သည် လွိုင်ကော်မြို့ကို ပြန်လည် ထိန်းချုပ်နိုင်ရန် နေ့စဉ် စစ်အင်အား ဖြည့်တင်းလာကြောင်း သိရသည်။
လွိုင်ကော် တော်လှန်ရေးတပ်ထဲတွင် စစ်မှုထမ်းစာရင်းထဲပါသူကို ခဏအတွင်းလာရောက်ခိုလှုံချင်သူ၊ စစ်ရှောင်အနေဖြင့် လာရောက် ဝင်လာနိုင်သူနှင့် တော်လှန်ရေးတပ်ထဲကို အလင်းဝင်လာချင်သူကိုလည်း ၎င်းတော်လှန်ရေးတပ်ဘက်က အမြဲကြိုဆိုမည်ကြောင်း လွိုင်ကော်မြို့ရှိ တော်လှန်ရေးတပ်ဖွဲ့တစ်ဦးက ပြောသည်။
“ဖြေရှင်းဖို့ဆိုတာမျိုးထက် ဘယ်လိုနေရာမှာနေရင် ဘာဖြစ်နိုင်တယ်ဆိုတာ ကိုယ်ပိုင်အသိသတိနဲ့ ပြင်ဆင်ထားစေချင်တယ်။ ကျနော်တို့အနေနဲ့ကတော့ ကျနော်တို့ စိုးမိုးနယ်မြေတွေမှာ လာရောက်ခိုလှုံဖို့ အမြဲကြိုဆိုပါတယ်။ ဘယ်လိုနေရာနေရင် ဆွဲခံရတာလည်းဆိုတာ ဖုန်းလည်းလူတိုင်းရှိတော့ နည်းလမ်းမျိုးစုံနဲ့ ဖောက်ထွက်ခဲ့ပါ၊ ကျနော်တို့အနေနဲ့ အကောင်းဆုံအနေနဲ့ ဝိုင်းရံပေးဖို့ရှိတယ်”ဟု ၎င်းက ပြောသည်။
ထို့အပြင် အထွေထွေအုပ်ချုပ်ရေးမှူးရုံးမှ သန်ခေါင်းစာရင်းကို ပုံမှန်ပြန်လည် စာရင်းကောက်နေကြောင်း မြို့ထဲ ပြန်လာမည့်ဒေသခံ အချို့သည် ပြန်မလာနိုင်တော့ဘဲ တောထဲတွင်သာ ဆက်နေနေရကြောင်း စစ်ရှောင်နေသည့် အမျိုးသမီးတစ်ဦးက ပြောသည်။
“ကိုယ်နေတဲ့ဒေသဆိုတော့ ပြန်လာချင်တာပေါ့။ ပြန်ဖို့လည်း စီစဉ်ထားတယ်။ အခုက စစ်မှုထမ်းဖို့ အတင်ခေါ်ဆောင်သွားတာတဲ့ ပြီးတော့ သန်းခေါင်စာရင်းကိုလည်း ပြန်ကောက်နေတော့ စစ်တပ်က သိမှာပဲ။ ဒီအိမ်က လူဘယ်နှယောက်ပြန်လာပြီလည်းဆိုတာ သူတို့ လာဖမ်းမှာပဲ”ဟု ၎င်းက ပြောသည်။
လက်ရှိ လွိုင်ကော်နှင့် မိုးဗြဲမြို့ကို ပြည်လည်ထိန်းချုပ်နိုင်ရန် စစ်ကောင်စီမှ စစ်အင်အား အလုံးအရင်းဖြင့် စစ်ကြောင်းထိုးနေပြီး စစ်ကောင်စီနှင့် ကရင်နီတော်လှန်ရေးတပ်ပေါင်းစုံများနှင့် တိုက်ပွဲ ဆက်လက်ပြင်းထန်နေကြောင်း သိရသည်။
ပြီးခဲ့သည့် (ဒီဇင်ဘာလ ၁၈ ရက်)နေ့တွင် လွိုင်ကော်မြို့နှင့် ၈ မိုင်ခန့်အကွာ လွိုင်ကော်-ဆီဆိုင် ကားလမ်းဘေးရှိ အောင်သပြေဂူ ကုန်ပေါ်တွင် တပ်စွဲထားသည့် စစ်ကောင်စီတပ်စခန်းကို ကရင်နီပူးပေါင်းတပ်မှ ဝင်ရောက်တိုက်ခိုက်ခဲ့ပြီး တိုက်ပွဲ၌ စစ်ကောင်စီဘက်မှဗိုလ် (၁)ဦး၊ တပ်ကြပ် (၁)ဦး အပါအဝင် တပ်သားအဆင့် (၉)ဦး သေဆုံးခဲ့ပြီး စစ်သုံ့ပန်း (၄)ဦးဖမ်းမိခဲ့ကြောင်း ကရင်နီအမျိုးသားများကာကွယ်ရေးတပ် KNDF ကထုတ်ပြန်ထားသည်။
လက်ရှိ လွိုင်ကော်နှင့် မိုးဗြဲမြို့ကို ပြည်လည်ထိန်းချုပ်နိုင်ရန် စစ်ကောင်စီမှ စစ်အင်အား အလုံးအရင်းဖြင့် စစ်ကြောင်းထိုးနေပြီး စစ်ကောင်စီနှင့် ကရင်နီတော်လှန်ရေးတပ်ပေါင်းစုံများနှင့် တိုက်ပွဲ ဆက်လက်ပြင်းထန်နေကြောင်း သိရသည်။
ပြီးခဲ့သည့် (ဒီဇင်ဘာလ ၁၈ ရက်)နေ့တွင် လွိုင်ကော်မြို့နှင့် ၈ မိုင်ခန့်အကွာ လွိုင်ကော်-ဆီဆိုင် ကားလမ်းဘေးရှိ အောင်သပြေဂူ ကုန်ပေါ်တွင် တပ်စွဲဖားသည့် စစ်ကောင်စီတပ်စခန်းကို ကရင်နီပူးပေါင်းတပ်မှ ဝင်ရောက်တိုက်ခိုက်ခဲ့ပြီး တိုက်ပွဲ၌ စစ်ကောင်စီဘက်မှဗိုလ် (၁)ဦး၊ တပ်ကြပ် (၁)ဦး အပါအဝင် တပ်သားအဆင့် (၉)ဦး သေဆုံးခဲ့ပြီး စစ်သုံ့ပန်း (၄)ဦးဖမ်းမိခဲ့ကြောင်း ကရင်နီအမျိုးသားများကာကွယ်ရေးတပ် KNDF ကထုတ်ပြန်ထားသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments