ကချင်ပြည် ဗန်းမော်မြို့မှ တိုက်ပွဲများကြောင့် ရွှေကူမြို့သို့ ထွက်ပြေးတိမ်းရှောင်လာသည် စစ်ဘေးရှောင်များထဲတွင် လက်ရှိတွင် (၁၀၀)ကျော်သည် ကျန်ရှိနေသေး ဒေသခံများက ပြောသည်။

ဗန်းမော်မြို့ ဒေသခံများသည်တွင် စစ်ကောင်စီ နှင့် ကချင်လွတ်မြောက်ရေးတပ်မတော် (KIA) ပူးပေါင်းတပ်တို့ တိုက်ပွဲများကြောင့် ပြီးခဲ့သည့် ဒီဇင်ဘာလ ၄ ရက်မှစ၍ မြို့လုံးကျွတ်နီးပါး ထွက်ပြေးတိမ်းရှောင်ခဲ့ရသည်။

ထို့ကြောင့် တိုက်ပွဲစဖြစ်ချိန်တွင် ရွှေကူမြို့ ၂၅၀၀ ဘုရားကျောင်းတွင် စစ်ရှောင် ၃ထောင်ကျော်သည် လာရောက်ခိုလှုံခဲ့ရာ လက်ရှိတွင် စစ်ဘေးရှောင် ၁၀၀ ကျော်သာကျန် ရှိတော့ကြောင်း၊ ထိုသူများကို ရွှေကူမြို့ဒေသခံများက စားဝတ်နေရေးအတွက်အကူညီများပေးနေကြောင်း ရွှေကူမြို့ ဒေသခံအမျိုးသားတစ်ဦးက သျှမ်းသံတော်ဆင့်ကိုပြောသည်။

“သူတို့ စပြီး ပြေးလာတဲ့အချိန်တုန်းကတော့ ရွှေကူ ၂၅၀၀ ဘုရားမှာ လူဦးရေးက ၃ ထောင်ကျော်လောက် ရှိတယ်။ ‌အခုကတော့ လူဦးရေက ၁၀၀ ကျော်လောက် ကျန်ရှိမယ်။ သူတို့ရဲ့ စားဖို့သောက်ဖို့ကတော့ ကျောင်းက ဆရာတော်နဲ့ ရွှေကူမြို့ခံတွေက တာဝန်ယူနေတာ။” ဟု ရွှေကူမြို့ ဒေသခံအမျိုးသားတစ်ဦးကပြောသည်။

ထိုတိုက်ပွဲများကြောင့် အိုးအိမ်စွန့်ခွာလာသည့် ဗန်းမော်စစ်ဘေးရှောင်များသည် မန္တလေးမြို့သို့သွားသည့် လမ်းခရီးတွင် အခက်အခဲများကြုံတွေ့နိုင်ပြီး၊ လမ်းပိုင်းတွင် ကြံကြာနိုင်ကြောင်း ရွှေကူမြို့ ဒေသခံအမျိုးသား တစ်ဦးကဆက်ပြောသည်။

“အခုကသူတို့က ဗန်မော်ြမို့ကနေ ရွှေကူကိုလာမယ်ဆိုရင် ရေကြောင်းကနေလာရမှာ။ လမ်းပိုင်းမှာ ကြာနိုင်လည်းတယ်။ စက်လှေတွေငှားရမှာကော လူများရင်လည်း စောင့်ရမာ။အဲ့မှရွှေကူမှာနေ တချို့ကလည်း မန္တလေးကို ဆက်တာပေါ့။မန္တလေးကိုဆက်သွားမယ်ဆိုရင်လည်း ကောလင်း-ဝမ်တုန်တို့မှာ တညအိမ်ရမှာပေ့ါ။အခုအခြေ နေ နဲ့ဆိုရင် ၂ ရက် ၃ ရက်လောက်ကြာနိုင်တယ်”ဟု ၎င်းကပြောသည်။

ထိုဗန်းမော်မြို့ ဒေသခံအများစုသည် မြစ်ကြီးနား‌၊ ရွှေကူမြို့၊ မန္တလေးမြို့၊ ပြင်ဦးလွင် နှင့် နီးစပ်ရာဆွေမျိုးများဆီသို့ အဓိက ထွက်ပြေးတိမ်းရှောင်နေကြကြောင်း ကားသမားတစ်ဦးက ပြောသည်။

ကချင်ပြည် ဗန်းမော်မြို့တွင် တစ်ပတ်ကျော်ကြာ တိုက်ပွဲတွင် စစ်ကောင်စီ၏ လက်နက်ကြီး၊ လေကြောင်း တိုက်ခိုက်မှု များကြောင့် ဒေသခံ သေဆုံးမှုများရှိနေပြီး၊ နေအိမ်အဆောက်အဦး မီးလောင်ပျက်စီးမှုများ ရှိကြောင်း သိရသည်။

တိုက်ပွဲများကြောင့် ဗန်မော်မြို့ ဒေသခံများ ထောင်နှင့်ချီထွက်ပြေးတိမ်းရှောင်နေကြရပြီး မြို့၌ အိမ်စောင့်များ ကျန်ရှိနေသော်လည်း အိမ်စောင့်မရှိသောနေအိမ်များနှင့် ဆိုင်ခန်းများသည် ဖောက်ထွင်းခိုးယူခြင်းများ ခံနေရကြောင်း ဒေသခံများပြောပြချက်အရသိရသည်။