သျှမ်းပြည် တောင်ပိုင်း လွိုင်လင် – မိုင်းပွန်လမ်းပိုင်းတွင် စစ်ကောင်စီလက်အောက်ခံ ရဲများက အကြောင်းရင်းမရှိလမ်းပိတ်၍ တွဲကားကြီးများကို အချိန်ကန့်သတ် သွားလာခိုင်းနေသဖြင့် အခက်အခဲဖြစ်နေကြောင်း သတင်းရရှိသည်။

သျှမ်းပြည် တောင်ပိုင်း လွိုင်လင် – မိုင်းပွန် လမ်းပိုင်းကို ပြီးခဲ့သည့် နိုဝင်ဘာလ ၂၂ ရက်မှစ၍ စစ်ကောင်စီ လက်အောက်ခံရဲများက ၁၀ ဘီးကား။ ၁၂ ဘီးကား နှင့် တွဲကားကြီးများကို အကြောင်းရင်းမရှိလက်ပိတ်ကာ အချိန်အကန့်သတ်ဖြင့် သွားလာခိုင်းနေကြောင်း ကားကြီးမောင်းသူတစ်ဦးက သျှမ်းသံတော်ဆင့် ကို ပြောသည်။

“သူတို့က ဘာလို့ဒီလို အချိန်ကန့်သတ်လိုက်လဲဆိုတာ ဘယ်သူမှ သေချာမသိဘူး။ ရဲတွေက ကားလမ်းချော် တယ်ဆိုပြီး အချိန်အကန့်သက်နဲ့ လုပ်နေတာ။ ကားငယ်တွေကသွားလာရင်တောင် သူတို့က လမ်းမှာ ကားချော်တာမတွေ့ဘူး လမ်းရှင်းနေတာပဲဆိုတာ ပြန်ပြောတယ်” ဟု ကားကြီးမောင်းသူတစ်ဦးက ပြောသည်။

လက်ရှိတွင် လွိုင်လင် – မိုင်းပွန်လမ်းကို စစ်ကောင်စီလက်အောက်ခံ ရဲများကသာ အချိန်အကန့်သတ်ဖြင့် သွားလာခြင်းများကို ပြုလုပ်နေကြောင်း ကားသမားတစ်ဦးက ထမ်မံလောင်းပြောသည်။

“နယ်စိတ်ဂိတ်တွေ ပိတ်လိုက်တာ မြောက်ပိုင်းကို ကားကြီးတွေပေးမသွားတဲ့အချိန်ကစပြီး ဒီဘက်က ကားကြီး တွေများလာတာ။လွိုင်လင်နဲ့ ၁ မိုင်လောက်ကနေစပြီး ကားတွေ စပိတ်တာပဲ။ရဲတွေကထိုင်စောင့်ပြီး အတက် အဆင်းကိုသူတို့က အချိန်အကန့်သတ်နဲ့‌ပေးသွားတာ။“ဟု ကားသမားတစ်ဦးကပြောသည်။

ထိုတွဲကားများကို စစ်ကောင်စီ လက်အောက်ခံ ရဲများမှ အချိန်အကန့်သတ်ဖြင့် သွားလာခိုင်းခြင်းကြောင့် တွဲကားသမားများ အတွက်အခက်အခဲများကြုံတွေနေများရှိနေကြောင်း တွဲကားကြီးမောင်းသူတစ်ဦးက ပြောသည်။

“ကျနော်တို့ ကားကြီးတွေကတော့ စားစရာ အမြဲကားထဲမှာဆောင်ထားရတယ်။ အခုလည်း သူတို့ က တလှည့်ပြီးမှ တလှည့်ဆိုတော့ အကြာကြီးစောင့်ရတယ်။ တချို့ ကုန်းစိမ်းတွေတင်လာတဲ့လူတွေအတွက်ဆို အချိန်ကြာတော့ အဆင်မပြေတာတွေရှိတာပေ့ါ။ လမ်းမှာဆို တွဲကားတန်းတွေ အရှည်ကြီးပဲတန်စီးပြီး သွားနေတာ။သူတို့လည်း လမ်းတွေကို ပိတ်ချင်ရင်လည်း တောင်ပြိုလို့ ဆိုပြီးပြောလိုက်တာပဲ။”ဟု ၎င်းကပြောသည်။

ထို လွိုင်လင် – မိုင်းပွန်ကြား ပိတ်မိနေသော တွဲကားကြီးများသည် ကျောက်မီးသွေး၊ ကုန်စိမ်း၊ ကုန်ခြောက်၊ သံတိုသံစများတင်ထားပြီး အများစသည့် ကျိုင်းတုံ၊မိုင်းလား နှင့် တာချီလိတ် တို့သွားသည့်ကားကြီးများ ဖြစ်ကြောင်း သိရသည်။