သျှမ်ပြည် လားရှိုးမြို့နယ်တွင် ‘ဝ’တပ်ဖွဲ့ UWSA ဝင်ရောက်လာပြီးနောက် အရပ်သားများကို စစ်မှုထမ်းရန်ပြောဆို ခြိမ်းခြောက်နေကြကြောင်း သတင်းရရှိသည်။
လားရှိုးမြို့နယ် ‘ဝ’တပ်ဖွဲ့ UWSA ဝင်ရောက် ထိန်းချုပ်ထားသည့် မိုင်းကျက်ကျေးရွာတွင် အောက်တိုဘာလမှ စ၍ အရပ်သားများကို စစ်မှုထမ်းရန် နာမည်စာရင်းများပေးခိုင်းပြီး၊ စာရင်းမပေးပါက ဒဏ်ပေးမည်ဟု ခြိမ်းခြောက်မှုများ လည်း ရှိနေကြောင်း အသက် ၄၀ ဝန်းကျင် အမျိုးသမီးတစ်ဦးက သျှမ်းသံတော်ဆင့်ကို ပြောသည်။
“ အရင်လ ကစကောက်တယ်။ အိမ်တိုင်းလိုလိုကောက်တယ်။ အိမ်ထောင်စုထဲက လူငယ်အမျိုးသားနာမည်တွေ အားလုံးကောက်သွားတယ်။ စာရင်းမပေးရင် ပြစ်ဒဏ်ပေးမယ်ဆိုပြီး ခြိမ်းခြောက်တယ်” ဟု အသက် ၄၀ အရွယ် အမျိုးသမီး တစ်ဦးက ပြောသည်။
လက်ရှိ မိုင်းကျက်ကျေးရွာအတွင်း ‘ဝ’တပ်ဖွဲ့ UWSA မှ စစ်မှုထမ်းရန် အတွက် ယောကျာ်လေး စာရင်းလူဦးရေ ၂၀၀ ကျော် ကောက်ယူထားသည်။
ထိုစာရင်းထဲပါသည့် ဆယ်ကျော်သက်များ ၊ လူငယ်များသည် စစ်မှုထမ်းရမည်ကို စိုးရိမ်သဖြင့် ထွက်ပြေးတိမ်းရှောင်နေကြရကြောင်း အသက် ၄၀ ဝန်းကျင် အမျိုးသမီးတစ်ဦးက ထပ်မံလောင်းပြောသည်။
“သူတို့က စာရင်းကောက်တာ ပြီးခါနီးပြီ။ဒေသခံတွေကတော့ ဘယ်သူမှ သဘောမတူကြဘူး ငြင်းလို့လည်း မရ တောင်ပန်လို့လည်း မရဘူး။ မိသားစုတွေမှာ သားက စာရင်းထည့်ထားပြီး သားကအိမ်မှာ မရှိရင် အဖေကိုသွားခိုင်တဲ့ အထိ လုပ်မှာတဲ့။ကျန်ရှိနေတဲ့ အမျိုးသမီးတွေကိုလည်း သူတို့ရုံးတွေကိုသွားခိုင်းပြီး သန့်ရှင်းရေးလုပ် ပေးခိုင်းတယ်။ ” ဟု ၎င်းအမျိုးသမီးက ဆိုသည်။
ထိုဖြစ်စဉ်နှင့် ပတ်သတ်၍ သျှမ်းသံတော်ဆင့်မှ ‘ဝ’တပ်ဖွဲ့ UWSA တာဝန်းရှိသူများကို ဆက်သွယ်ပါသော်လည်း ပြန်လည်းဖြေဆိုခြင်းမရှိပေ။
မိုင်းကျက် ကျေးရွာတွင် ကိုးကန့်တပ်ဖွဲ့ MNDAA၊ တအာင်း (ပလောင်) အမျိုးသား လွတ်မြောက်ရေး တပ်မတော် TNLA ၊ ‘ဝ’တပ်ဖွဲ့ UWSA နှင့် ရှမ်းပြည်တိုးတက်ရေးပါတီ/ ရှမ်းပြည်တပ်မတော် SSPP/SSA တို့သွားလာလှုပ်ရှားသည့် ဒေသဖြစ်သည်။
မိုင်းကျက်ကျေးရွာသည် လားရှိုးမြို့ နှင့် မိုင် ၅၀ ခန့်ကွာဝေးပြီး ၊ မိုင်းယော်မြို့နှင့် မိုင် ၂၀ ကျော် ကွားဝေး ကြောင်းသိရသည်။
Leave a Comments