သျှမ်းပြည်မြောက်ပိုင်း မူဆယ်မြို့နယ်တွင် အမည်မသိလက်နက်ကိုင်တပ်ဖွဲ့ ROXY KTV အနား ဗုံး၂လုံးလာပစ်သွား ပြီး တစ်လုံးပေါက်ကွဲခဲ့ကြောင်း စုံစမ်းသိရသည်။
ယမန်နေ့ (အောက်တိုဘာလ ၃၀)ရက်နေ့ ညနေ ၇ နာရီခွဲဝန်းကျင်တွင်
အမည်မသိနက်လက်ကိုင်တပ်ဖွဲ့ မြို့လမ်းမကြီးရှိ ROXY KTV အနား ဗုံး၂ လုံးလာရောက်ပစ်သွားပြီး တစ်လုံးပေါက်ကွဲခဲ့ကြောင်း မြို့နယ်ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“မနေ့ည ၇နာရီခွဲအချိန်မှာ ဘယ်လက်နက်ကိုင်လည်းတော့မသိဘူး မြို့လမ်းမကြီးရှိ ROXY KTV အနား ဗုံး၂ လုံးလာရောက်ပစ်သွားတယ် တစ်လုံးက ပေါက်သွားတယ်။ ထိခိုက်ပျက်စီးတာတော့ မသိရသေးဘူး”ဟု ၎င်းကပြောသည်။
ထို့ ဗုံး ၂ လုံးတွင် တစ်လုံးပေါက်ကွဲပြီး ကျန်သည့်တစ်လုံးကို မူဆယ်ပြည်သူစစ်အဖွဲ့က ည ၈ နာရီအချိန် ထုတ်ဖယ်ဖောက်ခွဲလိုက်သည်ဟု မျက်မြင်တွေ့ရှိသူတစ်ဦးက ပြောသည်။
“ပစ်လိုက်တဲ့ ၂လုံးက ၁လုံးက ပေါက်သွားတယ် ကျန်တဲ့တစ်လုံးတော့ မူဆယ်ပြည်သူစစ်တွေ ည၈နာရီ ထုတ်ဖယ်ဖာက်ခွဲလိုက်တယ်” ဟု ၎င်းက ပြောသည်။
ပြီးခဲ့သည့် (အောက်တိုဘာလ ၁၈ ရက်) နံနက် ၈ နာရီခွဲခန့်တွင် တအာင်း(ပလောင်) အမျိုးသားလွတ်မြောက်ရေးတပ်မတော် TNLA ထိန်းချုပ်ထားသည့် နမ့်ခမ်းမြို့ပေါ် အောင်မေတ္တာရပ်ကွက်ရှိ တရုတ်လူမျိုး နေအိမ်တစ်အိမ်ကို အမည်မသိ လက်နက်ကိုင်မှ ဆိုင်ကယ်တစ်စီးဖြင့် မောင်းနှင်လာပြီး နေအိမ်ထဲသို့ လက်ပစ်ဗုံး ပစ်ထည့်သွားကြောင်း ဒေသခံ အမျိုးသားတစ်ဦးက ပြောသည်။
လက်ရှိတွင် စစ်ကောင်စီနှင့် ယူနန်ပြည်နယ်အကြား တရားဝင် ကုန်သွယ်မှု ပြုလုပ်နေသည့် မူဆယ်-ရွှေလီ နယ်စပ်ဂိတ်၊ ကချင်ပြည်နယ်ရှိ ကန်ပိုက်တီ နယ်စပ်ဂိတ်တို့တွင်လည်း အောက်တိုဘာလ (၂၅) ရက်မှ စတင်ပြီး တရုတ်ဘက်မှ စားနပ်ရိက္ခာနှင့် စက်သုံးဆီ တင်သွင်းခွင့် ပိတ်လိုက်ခြင်းကြောင့် ကုန်ဈေးနှုန်း အဆမတန် မြင့်တက်လာကြောင်း ဒေသခံများက ပြောဆိုသည်။
အလုပ်သင် သတင်းထောက်က နန်းဆိုင်ခမ်း ရေးသားသည်။
Leave a Comments