စစ်ကောင်စီသည် ကိုးကန့်တပ်ဖွဲ့ ထိန်းချုပ်ထားသည့် သိန္နီမြို့ကို “၁၀၂၇ စစ်ဆင်ရေး” တစ်နှစ်ပြည့်နေ့တွင် ဗုံးကြဲတိုက်ခိုက်ခဲ့ကြောင်း စုံစမ်းသိရသည်။
အောက်တိုဘာ ၂၇ ရက် “၁၀၂၇ စစ်ဆင်ရေး” တစ်နှစ်ပြည့်နေ့ ည ၉နာရီခွဲဝန်းကျင်အချိန်တွင် ကိုးကန့်တပ်ဖွဲ့ (MNDAA) ထိန်းချုပ်ထားသည့် သိန္နီမြို့ကို စစ်ကောင်စီ က ဗုံးကြဲတိုက်ခိုက်ခဲ့ရာ ခရစ်ယာန်ဘုရားကျောင်း၊ ထွေအုပ်ရုံးနှင့် နေအိမ်အဆောက်အဉီးများ ထိခိုက်ပျက်စီးခဲ့ကြောင်း မြို့နယ်ဒေသခံ အမျိုးသမီးတစ်ဉီးက သျှမ်းသံတော်ဆင့်က ပြောသည်။
“မနေ့ည ၉နာရီခွဲမှာ ဗုံးထပ်ကြဲသွားတယ်။ ထွေအုပ်ရုံးမှာ ချသွားတာ ကင်းစောင့်တဲ့သူ ၂ ဦးပျောက်သွားတယ်။ အဆောက်အအုံအောက်မှာပဲ ပိမိတာလားမသိဘူး။ ခုတော့ သန့်ရှင်းရေးလုပ်ပြီး ရှာဖွေနေတုန်း။ အဆောက်အအုံးတော့ တော်တော်များများ ပျက်စီးနေတယ်”ဟု ၎င်းကပြောသည်။
ပြီးခဲ့သည့် (အောက်တိုဘာလ ၂၅ ရက်)နေ့ ည ၈နာရီဝန်းကျင်တွင်လည်း သိန္နီမြို့ နယ်ရှိ ကောင်းဟော်ကျေးရွာတွင် စစ်ကောင်စီမှ ဗုံးကြဲတိုက်ခိုက်မှုကြောင်း ပြည်သူ ၆ဦးဒဏ်ရာရပြီး ၄ ဦးတွင် ပြင်ထန်သော ဒဏ်ရာရရှိရာတွင် အဆောက်အအုံထိခိုက်ပျက်စီးမှုများရှိနေကြောင်း ဒေသခံအမျိုးသားတစ်ဦးက ပြောသည်။
“အောက်တိုလာလ ၂၅ ရက်နေ့ကလည်း ဗုံးကြဲသွားသေးတယ်။နေအိမ်တွေအများတော့ထိသွားတယ်။ ပြည်သူ ၆ဦးဒဏ်ရာရတယ်။ ၄ ဦးတော့ ပြင်းထန်တယ်။ အခုတော့ ဆေးရုံးမှာ ဆေးကုသနေတယ်။ ပြည်သူတွေလည်း အရမ်းလန့်ကြတယ် ဘယ်မှလည်းမသွားရဲကြဘူး” ဟု ၎င်းက ပြောသည်။
လတ်တလောတွင် ကိုးကန့်တပ်ဖွဲ့နှင့် TNLA ထိန်းချုပ်ထားသည့် မြို့များသို့ စစ်ကောင်စီတပ်က လေကြောင်းဖြင့် ဆက်တိုက်ဗုံးကြဲ တိုက်ခိုက်လျက်ရှိရာ သိန္နီ၊လောက်ကိုင်၊နမ့်ခမ်း၊လားရှိုး၊နောင်ချို စသည့်မြို့များကို ထပ်မံဗုံးကြဲတိုက်ခဲ့ခြင်းကြောင်း သိရသည်။
လက်ရှိ တရုတ်နိုင်ငံသည် စစ်ကောင်စီ အလိုကျ သျှမ်းမြောက် တော်လှန်ရေးတပ်များ စစ်ရပ်တန့်ရေး ဖိအား ကြီးမားစွာ ပေးနေရာ အထူးသဖြင့် လားရှိုးမြို့မှ ကိုးကန့်တပ်များ ပြန်လည် ဆုတ်ခွာရေး ဖိအားပေးနေသည့် နည်းတူ စစ်ကောင်စီကလည်း လေကြောင်းမှ ဗုံးကြဲ တိုက်ခိုက်ခြင်းဖြင့် ဖိအားပေးနေကြောင်း စစ်ရေးလေ့လာသူများက သုံးသပ်ထားသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments