သျှမ်းပြည်မြာက်ပိုင်း၊ တအာင်းတပ်မတော် (TNLA) ထိန်းချုပ်ထားသည့် ကွတ်ခိုင်မြို့တွင် လွယ်ဆိုင်းကျေးရွာ အမျိုးသားတစ်ဦး ကျွဲကျောင်းရင်း မိုင်းနင်းမိပြီး ခြေထောက် တစ်ဖက်ပြတ်သွားကြောင်း စုံစမ်းသိရသည်။
လွန်ခဲ့သည့် အောက်တိုဘာလ ၃ရက် နေ့လည်း ၃ နာရီဝန်းကျင် အသက် (၂၅) ရှိ အမျိုးသားတစ်ဦးသည် ကျွဲကျောင်းရင်း စစ်ကောင်စီထောင်ထားသည့် မြေမြှုပ်မိုင်းအား နင်းမိပြီး ခြေထောက်တစ်ဖက်ပြတ် သွားကြောင်း အဆိုပါသတင်းကို သိရှိသည့် အမျိုးသားတစ်ဦးက သျှမ်းသံတော်ဆင့်ကို ပြောသည်။
ထို့နေရာသည် စစ်ကောင်စီ၏ တပ်စွဲထားသည့် နေရာဖြစ်သည်ဟု သိရသည်။
“ကျွဲကျောင်းရင်း နင်းမိတာ။ အဲနေရာက စစ်ကောင်စီ မိုင်းထောင်ထားမှန်းလည်း မသိကြဘူး ။ အဲဘက်တကြောမှာ စစ်တပ်တွေရှိမှန်းလည်း မသိကြလို့။ နင်းမိလို့ ညာဘက်ခြေထောက်တစ်ဖက်တော့ ပြတ်ထွက်သွားတယ်။ ဘယ်ဘက်ခြေထောက်နဲ့ ခန္ဓာကိုယ်တွေက မိုင်းအစများပြင်းထန် ထိထားတယ် “ဟု ၎င်းကပြောသည်။
ဒဏ်ရာရရှိသည့် အမျိုးသားကို (TNLA) အုပ်ချုပ်ရေးတာဝန်ရှိသူများနှင့် တရားဥပဒေစိုးမိုးရေးအဖွဲ့များက သွားရောက်ကြည့်ရှု့စစ်ဆေးပြီး ကွတ်ခိုင်ပြည်သူ့ဆေးရုံသို့ ပိုဆောင်ဆေးဝါးကုသမှု ခံယူနေပြီး ညာဘက်ခြေထောက်သည့် ပြင်းထန်သည့် ဒဏ်ရာရှိနေကြောင်း ထပ်မံဖြတ်ထုတ်နိုင်ခြေရှိနေသည်ဟု ကျေးရွာဒေသခံ တစ်ဦးက ပြောသည်။
“ နောက်တစ်ဖက်လည်း ပြင်းထန်နေတော့ ဖြက်တ်ရမယ်လို့ပြောတယ်။ ဒီလိုတွေကြုံရတော့ ရွာကလူတွေ တော်တော်ကြောက်ကြတယ်။ နွားကျောင်း၊ကျွဲကျောင်းတောင် မသွားရဲတော့ဘူး။ ရွာဘက်မှာ မကြာခဏဖုန်းလိုင်းဖျက်တော့ ဆက်သွယ်ရခက်တယ် “ ဟု ၎င်းကပြောသည်။
လွန်ခဲ့သည့် (စက်တင်ဘာလ ၆)ရက် ကွတ်ခိုင်မြို့ အမှတ်တရကျောက်တိုင်အနီး ပျားသွားဖွတ်သည့် အမျိုးသားတစ်ဦသည် စစ်ကောင်စီ မိုင်းထောင်ထားသည့် မြေမြှုပ်မိုင်းကို နင်းမိခဲ့သည်ဟု (TNLA) ထုတ်ပြန်ချက်အရ သိရသည်။
စစ်ကောင်စီသည် ဩဂုတ် ၅ရက်တွင်လည်း ကွတ်ခိုင်မြို့မဈေးကို လေကြောင်းဖြင့် ဗုံးကြဲသဖြင့် အရပ်သား ၆ဦး သေဆုံးကာ ၁၀ဦးဒဏ်ရာရရှိခဲ့ပြီး စျေးဆိုင်ခန်းပေါင်း ၄၀၀ကျော် မီးလောင်ပျက်စီးခဲ့သည်။
စစ်ကောင်စီသည် တိုက်ပွဲဖြစ်ပွားခြင်းမရှိသည့် မြို့ ၊ ရွာများရှိ ဈေး၊ စာသင်ကျောင်း၊ ဆေးရုံစသည့် အဆောက်အုံးများကို တိုက်လေယာဥ်ဖြင့် ဗုံးကြဲတိုက်ခိုက်နေ၍ တားဆီးဟန်တားပေးရန် အိမ်နီးချင်း တရုတ်နှင့် နိုင်ငံတကာသို့ မြောက်ပိုင်းမဟာမိတ်သုံးဖွဲ့က ဩဂုတ် ၆ ရက်တွင် တောင်းဆိုထားသည်။
ကွတ်ခိုင်မြို့နေထိုင်သူများအနေဖြင့် စစ်ကောင်စီဘက်မှ လေကြောင်းဖြင့် ဗုံးလာရောက်ထပ်မံကြဲခြင်း၊ တိုက်ပွဲများ ထပ်မံဖြစ်မည်ကို စိုးရိမ်နေကြသည်။
အလုပ်သင် သတင်းထောက် နန်းဆိုင်ခမ်း ရေးသား သည်။
Leave a Comments