သျှမ်းပြည် တောင်ပိုင်း အောင်ပန်းမြို့တွင် မိုးရွာသွန်းပြီး တောင်ကျရေကြောင့် ရေကြီး‌ရေလျှံကာ ကလေးငယ်တစ်ဦး နှင့် အမျိုးသားတစ်ဦး သေဆုံးခဲ့ကြောင်း သတင်းရရှိသည်။

ပြီးခဲ့သည့် စက်တင်ဘာ ၁၄ရက်တွင် သျှးမ်ပြည် တောင်ပိုင်း အောင်ပန်းမြို့တွင် တောင်ကျရေကြောင့် ရေကြီးရေလျှံ၍ ရပ်ကွက်(၃) ရှိ အသက် (၄) ကလေးငယ်တစ်ဦး နှင့် အသက် (၂၂ ) တစ်ဦး သေဆုံးခဲ့ကြောင်း အောင်ပန်းမြို့ ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။

“ရပ်ကွက် ၃ ကလေးငယ်တစ်ဦး သေတာဟုတ်တယ်။ ( ၄ ) နှစ်အရွယ် ကလေး နဲ့ ၂၂ နှစ် အမျိုးသားတစ်ဦးပေါ့။ ဒီရက် မိုးတွေပြန်ရွာတော့ တောင်ကျရေတွေကြောင့် ရေတွေတက်နေတာ”ဟု ၎င်းကပြောသည်။

လက်ရှိ အောင်ပန်းမြို့ အချို့နေရာတွင် တောင်ကျရေကြောင့် မြေနိမ့်ပိုင်းရှိ ရပ်ကွက်များတွင် ရေကြီး၊ရေလျှံများ ကြုံတွေ့နေရကြောင်း သိရသည်။

အောင်ပန်းမြို့တွင် ရေကြီးရေလျှံမှုများကြောင့် ဒေသခံ သေဆုံးမှု (၂) ဦး နှင့် ကလောမြို့နယ်တွင် (၅၀)ခန့်ရှိပြီး ပျောက်ဆုံးမှုများလည်း ရှိနေကြောင်း ၎င်းက ဆက်ပြောသည်။

ယခုနှစ် သျှမ်းပြည်အရှေ့ပိုင်း နှင့် သျှမ်းပြည်တောင်ပိုင်း ရေကြီး၊ရေလျှံမှုသည် အကြီးမားဆုံးဖြစ်ပြီး ဆုံးရှုံးမှုအများဆုံး ရင်ဆိုင်ရသည့် နှစ်ဖြစ်သည်။