ထိုင်း-မြန်မာနယ်စပ် တာချီလိတ်မြို့တွင် ရေကြီး၊ရေလျှံသည် ယခုနှစ်အတွင်း ၈ကြိမ်တိုင်ခဲ့ပြီး၊ အဆိုးရွားဆုံးအခြေအနေဖြစ်ကာ ပိတ်မိနေသူများရှိနေကြောင်း စုံစမ်းသိရသည်။

တာချီလိတ်မြို့နယ်အတွင်းနှင့် မြို့ပတ်လည်ရှိဒေသများတွင် ရေကြီး၊ရေလျှံမှုကြောင့် နေအိမ်အဆောက်အဉီး အားလုံးနီပါး မြှုပ်ကုန်ပြီး၊ အများစုသည် ရှောင်တိမ်းရန် ခက်ခဲသဖြင့် အိမ်ခေါင်မိုးပေါ်သို့ တက်နေရသည်။

ထို့ပြင် ရေကြီးမှု ရုတ်တရက်ဖြစ်ပွားသဖြင့် အိမ်ထဲပိတ်မိနေသည့် ပြည်သူများရှိကြောင်း တာချီလိတ်မြို့ဒေသခံ တစ်ဉီးက သျှမ်းသံတော်ဆင့်ကိုပြောသည်။

“ ရေအရမ်းပြင်းတော့ နေအိမ်အဆောက်အအုံ အားလုံးနီးပါး ရေတွေတိုက်စားကုန်တယ်။ မြှုပ်ကုန်တယ်။ ရှောင်ရမဲ့နေရာလည်းမရှိဘူး ။ အိမ်ခေါင်မိုးပေါ်မှာပဲနေရတယ် တချို့ဆို အိမ်ထဲပိတ်မိတဲ့သူလည်းရှိတယ်” ဟု ၎င်းကပြောသည်။

ရေကြီးရခြင်းအကြောင်းအရင်းများသည် ချောင်းရေတိမ်ခြင်း၊ ရေပေး ရေသွားမြောင်းများကို စနစ်တကျလုပ်ထာခြင်းမရှိ၊ သဘာဝပတ်ဝန်းကျင်အများစုနှင့် ဆောက်လုပ်ရေးပြုလုပ်ရာတွင် စနစ်တကျ စွန့်ပစ်ခြင်းတွေမရှိခြင်း ထို့ကြောင့် ရေကြီးနှုန်းကို မြောင်းတွေမထိန်းနိုင်တောပဲ ရေကြီး ရေလျှံတွေ ဖြစ်နေရသည်ဟု သျှမ်းသဘာဝပတ်ဝန်းကျင်အဖွဲ့ စိုင်းခေးဆိုင်က သျှမ်းသံတော်ဆင့်ကို ပြောသည်။

“ မိုးရွာတာက နှစ်တိုင်းလိုပုံမှန်ပဲ ခုလိုရေကြီးရတာကို ခြုံငုံပြောရမယ်ဆိုရင် ချောင်းရေတိမ်တာ၊ ရေပေးသွားမြောင်းကို စနစ်တကျလုပ်တာမရှိကြဘူး၊ ထင်းအဖြစ် သစ်ပင်ခုတ်တာ၊ ဆောက်လုပ်ရေးလုပ်ပြီး ပစ္စည်းတွေကို စနစ်တကျမစွန့်ပြစ်ကြဘူး အဲကြောင့် ရေကြီးနှုန်းကို မြောင်းတွေကမထိန်းတော့ဘဲ ရေကြီး ရေလျှံတွေ ကြုံတွေနေရတယ် “ ဟု ၎င်းကပြောသည်။

သျှမ်းပြည်နယ်တစ်ဝိုက်တွင် သစ်ထုတ်လုပ်မှု၊ ရွှေတူးဖော်ရေးလုပ်ငန်း၊ ကျောက်မီးသွေးတူဖော်ရေး လုပ်ငန်းများကိုလုပ်ကိုင်တူးဖော်ချိန်တွင် သစ်ပင်တွေကိုသာ အဓိကထားပြီး ခုတ်ပစ်တာကြောင့် ခုလိုရေကြီး ရေလျှံတွေ မထိန်းနိုင်သည့်အတွက် ရေစီးဆင်းမှုနှုန်းကို ပိုမိုလျှင်မြန်စေကြောင်း စိုင်းခေးဆိုင်က ဆက်ပြောသည်။

“ သျှမ်းပြည်အများစုက သစ်ထုတ်လုပ်မှု၊ ရွှေတူးဖော်လုပ်ငန်း၊ ကျောက်မီးသွေးတူးဖော်လုပ်ငန်းတွေ ပိုမိုလုပ်လာကြတယ်။ အဲလုပ်ငန်းတွေက အဓိက သစ်ပင်တွေကို အရင်ခုတ်ရတော့ သစ်တောဖြုန်းတီးမှုကို ပိုများစေတယ်။ အဲဒါကြောင့် ရေကြီးနှုန်းကို မထိန်းနိုင်တော့ပဲ ရေစီးဆင်းနှုန်းကို မြန်ဆန်စေတယ် “ ဟု ၎င်းကပြောသည်။

ရေကြီးပြီးနောက်ဆက်တွဲပြဿနာသည် သွေးလွန်တုတ်ကွေး၊ ဆင်တုတ်ကွေး၊ ဖြစ်နိုင်သည်။

ယနေ့ (စက်တင်ဘာလ ၁၂) ရက်နေ့တွင် ရေအနည်းငယ်ပြန်ကျနေသည်ဟု သိရသည်။

အလုပ်သင် သတင်းထောက် နန်းဆိုင်ခမ်း ရေးသားသည်။