ထိုင်းနိုင်ငံ ချင်းမိုင်ခရိုင် မဲအိုင်းမြို့နယ် အမှတ် (၃)ဒေသ ၃၂၀၇ နယ်စပ်ခြားစောင့်တပ်ဖွဲ့ဝင်နှင့် မြန်မာဘက်က လက်နတ်ကိုင် မူးယစ်ဆေးသယ်ဆောင်လာသည့်အဖွဲ့သား ၁၀ ဦးဝန်ကျင်တို့ ပစ်ခတ်မှု ဖြစ်ပွားပြီး မြန်မာနိုင်ငံသား ၆ ဦးသေဆုံးကြောင်း စက်တင်ဘာလ ၉ ရက် ထိုင်းအာဏာပိုင်များက ထုတ်ပြန်လာသည်။

ချင်းမိုင်ခရိုင် မဲအိုင်းမြို့နယ် ဒွိုင်လန်တောင်တန်း အမှတ်(၄) ကျေးရွာအုပ်စုအနီးရှိ အမှတ်(၃) ထိုင်းနယ်ခြားစောင့်တပ်နှင့် ထိုင်းဖမောင့်တပ် ပူးပေါင်းတပ်တွေက မြန်မာနိုင်ငံဘက် လက်နတ်ကိုင် မူးယစ်ဆေးသယ်ဆောင်လာသော ၁၀ ဦးခန့်ကို စက်တာဘာလ ၇ ရက်နေ့နှင့် ၈ ရက်နေ့တွင် နှစ်ဖက် ပစ်ခတ်မှုဖြစ်ပွားခဲ့သည်။

စက်တင်ဘာလ ၈ ရက်တွင် တစ်နာရီကျော်ကြာ ပစ်ခတ်မှုဖြစ်ပြီးနောက် မူးယစ်ဆေးလက်နက်ကိုင်များသည် လာလမ်းအတိုင်း ပြန်လည်ဆုတ်ခွာသွားခဲ့သည်ဟု အမှတ် (၃) ဒေသ နယ်ခြားစောင့်တပ်က Pol. Maj. Gen. Thawatchai Phongwiwatchai (ဗိုလ်ချုပ် ထဝပ်ချိုင်း ဖုန်ဝိဝပ်ချီ) က ထိုင်းဘာသာဖြင့် ပြောဆိုခဲ့သည်။

“ အခင်းဖြစ်ပွားသည့်နေရာတွေကို ထိုင်းစစ်တပ်က ရှင်းလင်းတဲ့အခါ မူးယစ်ဆေးဝါးလက်နတ်ကိုင် ၆ ဦးသေဆုံးနေပြီး အိတ် ၁၃ အိတ်ဖမ်းမိခဲ့တယ်။ အဲ့ထဲမှာ စိတ်ကြွဆေးပြား တစ်သန်းသုံးသိန်းကို တွေ့ခဲ့တယ်။ တိုက်ပွဲအတွင်း ထိုင်းဘက်အကျမရှိဘူး” ဟု ၎င်းကပြောသည်။

မြန်မာနိုင်ငံဘက်က မူးယစ်မှောင်ခိုဂိုဏ်းများသည် ယခုလအတွင်း စိတ်ကြွဆေးပြား သန်း ၁၀၀ ပမာဏာခန့် သွင်းလာမည်ကို သတင်းရထားပြီးနောက်တွင် ထိုင်းဘက်က တပ်အင်အားများ တိုးချဲစောင့်ကြည့်နေကြောင်း သိရသည်။

ထိုင်းနိုင်ငံအတွင်းသို့ ပို့ဆောင်ပေးခဲ့သည်မှာ ယခုတစ်ကြိမ်ဆို ငါးကြိမ်မြောက်ဖြစ်ကြောင်း သိရသည်။

စစ်အာဏာသိမ်းပြီးနောက်ထိုင်း-မြန်မာနယ်စပ်ဖြစ်သည့် တာချီလိတ်မြို့တွင် မူးယစ်ဆေးဝါးဝယ်ယူရောင်းချသည့်လုပ်ငန်းများကို ပိုမိုလုပ်ဆောင်သည့် ဒေသတစ်ခုလည်းဖြစ်သည်